ఉడుతకు దాహం వేస్తే.. ఎదురుగా వాటర్ బాటిల్ కనిపిస్తే? (video)

Thirsty squirrel

దాహం వేస్తే నాలుక పిడచకట్టుకుపోతుంది. దాహం అనేది మనుషులకే కాదు.. జంతువులు, పక్షలు, ఇతర జీవులకు కూడా వేస్తుంది. దాహం వేస్తే వెంటనే నీళ్లు తాగాలనిపిస్తుంది. మనుషులకు దాహం వేస్తే చెప్పగలుగుతారు. కానీ జంతువులు, పక్షులు దాహం వేస్తే చెప్పలేవు. ఇలాంటిదే దాహం వేసిన ఓ ఉడుత నీటి కోసం అలమటించింది.

దాహం వేసి నాలుక పిడచకట్టుకుపోవడంతో ఓ ఉడుత నీళ్ల కోసం చేసిన పోరాటం నెటిజన్లను ఆకర్షిస్తోంది. మనిషికి దండం పెడుతూ.. వెంటపడింది. నీరు పోసే వరకు వెంట తిరిగి తీరా దాహార్తి తీర్చుకుంది. దీనికి సంబంధించిన వీడియో సోషల్ మీడియాలో వైరల్ కావడంతో లక్షల్లో వ్యూస్ వస్తున్నాయి.

రోడ్డుపై నీళ్ల బాటిల్ తీసుకొని వెళ్తున్న ఓ యువ జంటను ఉడుత గమనించింది. దానిలో నీరు కనిపించడంతో అది ఆ యువకుడి వెంట పడింది. వెనక కాళ్లపై పైకి లేస్తూ.. ప్లీజ్ నీళ్లు పోయండి అన్నట్టుగా ప్రాధేయపడింది. 

ముందుగా ఆ యువకుడికి అది ఎందుకు వెంటపడుతోందో అర్థం కాలేదు. తర్వాత అర్థం చేసుకున్నాడు. తన చేతిలోని నీటిని దానికి తాగించగా, దప్పిక తీర్చుకొని వెళ్లిపోయింది. నీళ్ల కోసం ఆ ఉడుత చేసిన సైగలు పలువురి హృదయాలను కట్టిపడేసింది. ఎక్కడ జరిగిందో తెలియదు కానీ సోషల్ మీడియాలో ఇది తెగ వైరల్ అవుతోంది.