సినీ న‌టుడు అలీ... గ‌త కొన్ని సంవ‌త్స‌రాలుగా తెలుగుదేశం పార్టీలో ఉన్న విష‌యం తెలిసిందే. అయితే... తెలుగుదేశం పార్టీలో త‌గిన గుర్తింపు రాక‌పోవ‌డంతో ఈసారి త‌న‌కు ఎవ‌రైతే గుర్తింపు, ఆశించిన ప‌ద‌వి ఇస్తారో ఆ పార్టీలో చేరాల‌ని నిర్ణ‌యించుకున్నారు. ఇటీవ‌ల వైసీపీ అధ్య‌క్షుడు జగన్ మోహన్ రెడ్డిని పాద‌యాత్ర స‌మ‌యంలో క‌ల‌వ‌డం... ఆ తర్వాత చంద్ర‌బాబును క‌ల‌వ‌డం... ఆ తర్వాత పవన్ క‌ళ్యాణ్‌ని క‌ల‌వ‌డం తెలిసిందే. దీంతో అలీ వైసీపీలో చేర‌నున్నారు అంటూ వార్తలు వ‌చ్చాయి.
అయితే.. జ‌గ‌న్‌ని క‌లిసింది వాస్త‌వ‌మే కానీ... పార్టీలో చేరే విష‌యం ఇంకా క‌న్ఫ‌ర్మ్ కాలేదు. ఎవ‌రైతే మంత్రి ప‌ద‌వి ఇస్తాన‌ని హామీ ఇస్తారో ఆ పార్టీలో చేర‌ుతాన‌ని చెప్పారు. ఐతే ఆ తర్వాత ఆయన తెలుగుదేశం పార్టీలోనే ఉంటారనీ, గుంటూరు నుంచి పోటీ చేయ‌నున్నారు అంటూ జోరుగా ప్ర‌చారం జ‌రిగింది.
కానీ... ఏమైందో ఏమో కానీ... అలీ చంద్ర‌బాబుకు షాక్ ఇచ్చి వైసీపీలో చేరారు. అలీని త‌న పార్టీలోకి ఆహ్వానించారు జగన్. అయితే... ఏ నియోజ‌క‌వ‌ర్గం నుంచి అలీ పోటీ చేయ‌నున్నారు అనేది తెలియాల్సి వుంది. కాగా వైకాపాలో చేరుతున్న సంగతి పవన్ కల్యాణ్‌కు చెప్పే చేరినట్లు సమాచారం.