నాలుగు గోడల మధ్య జరిగే ఆ కార్యాన్ని కూడా పబ్లిసిటీ చేసుకున్నాడు ఓ కొత్త పెళ్లి కొడుకు. శోభనం రాత్రిని బాహుబలి యుద్ధంతో పోల్చి పెద్ద విజయం కోసం కత్తులు, కటార్లు వేసుకెళ్తున్నట్లు పోస్టర్లు కూడా వేయించుకున్నాడు. ఆ పోస్టర్లను ఊళ్లో పెట్టింది కాకుండా ఏకంగా సోషల్ మీడియాలో పోస్ట్ చేశాడు. అది కాస్తా ఇప్పుడు వైరల్ అయ్యింది.
రావులపాలెంలో ఫస్ట్ నైట్ సంబరాలు, మొదలైన కొత్త సంస్కృతి పేరుతో ఓ ఫ్లెక్సీ ఫొటో సోషల్ మీడియాలో షేర్ అవుతోంది. ఇది ఏ జిల్లా రావులపాలెమో ఎవరికీ తెలియదు కానీ పోస్టర్ మాత్రం తిరుగుతోంది. ఇంతకీ అతడు ఏం పెట్టాడంటే... ‘‘నేటితో నా బ్రహ్మచారి జీవితానికి సంప్రదాయబద్ధంగా స్వస్థి పలికి ఎన్నాళ్ల నుంచో ఎదురుచూస్తున్న తొలి రేయి అనుభవానికి తహతహలాడుతూ, యుద్ధానికి సిద్ధమైన బాహుబలి వలె ఈ రోజు జరిగే రాత్రి యుద్ధాన్ని ముహూర్త సమయానికి ప్రారంభించి, అతి తక్కువ సమయంలోనే నా తల్లిదండ్రులను నానమ్మ, తాతయ్యలను చేస్తానని అంతఃకరణ శుద్ధితో ప్రమాణం చేస్తున్నాను’’ అనే మాటలు.
ఈ వ్యాఖ్యల పక్కన అతడి ఫోటో కూడా వేసుకున్నాడు. ఇది నిజంగా ఊళ్లో పెట్టిందా లేక ఎవరో కావాలని ఇలా పోస్టర్ పెట్టి తమాషా చేశారా అన్నది తెలియాల్సి వుంది.