నాలుగు బెడ్రూంలలో 8 మంది భార్యలు.. అందరినీ ఒప్పించే చేసుకున్నాడట

ఒక పెళ్ళికే ఎన్నో కష్టాలు పడుతుంటారు. కొంతమంది కాపురాలు సాఫీగా సాగిపోతూ ఉంటే మరికొంతమంది మాత్రం గొడవలు పడి మధ్యలో విడిపోతూ ఉంటారు. అయితే ఇక్కడ ఈ భర్త మాత్రం ఏకంగా 8 మందిని పెళ్ళి చేసుకున్నాడు. అది కూడా భార్యలను ఒప్పిస్తూ పెళ్ళిళ్ళు చేసుకుంటూ ప్రస్తుతం ఎంతో అన్యోన్యంగా అందరితో కలిసి ఉంటున్నాడు.

8 మంది భార్యలు ఉన్నారు కదా.. ఇతను బాగా ధనవంతుడయి ఉంటాడని అనుకోవద్దండి.. సామాన్య వ్యక్తే. టాటూలను వేసే షాప్ పెట్టుకుని ఉన్నాడు. థాయ్‌లాండ్‌కు చెందిన ఓంగ్ డామ్ సోరోట్ వైవాహిక జీవితం అలా నడుస్తోంది మరి. 

టాటూ ఆర్టిస్ట్‌గా ఉన్న ఇతను మొదటి భార్యను స్నేహితుడి పెళ్ళిలో చూసి ప్రేమించి పెళ్ళి చేసుకున్నాడు. ఆ తరువాత రెండవ భార్యను మార్కెట్లో చూసి, మూడో భార్య హాస్పిటల్ నర్సు.. అలా ఒక్కొక్కరిని ఒక్కో విధంగా ఎనిమిది మందిని చేసుకున్నాడు.

అయితే ఇక్కడ ఆశ్చర్యపోవాల్సిన అవసరమేంటంటే తాను ఇంకొక పెళ్ళి చేసుకుంటానని భార్యలకు చెప్పినా అందుకు ఒప్పుకున్న వారు ఏ మాట అనకుండా కలిసి ఉంటున్నారు. అందరూ కలిసే హాయిగా జీవితాన్ని ఆస్వాదిస్తున్నారట.

అయితే ఇతని ఇంట్లో మొత్తం నాలుగు బెడ్ రూంలు ఉన్నాయట. ఒక్కో బెడ్ రూంలో ఇద్దరు చొప్పున భార్యలు ఉంటారట. ఇలా 8 మందిని పోషిస్తున్నాడట. ఇప్పటివరకు ఎలాంటి సమస్యలు తనకు రాలేదని.. అందరూ అక్కచెల్లెళ్ళ లాగా కలిసి ఉన్నారని.. దీంతో నా కుటుంబం చాలా పెద్దదిగా మారిందంటున్నారు. కానీ ఇప్పటివరకు పిల్లలు మాత్రం లేరని ఆవేదనకు గురవుతున్నాడు.