Webdunia - Bharat's app for daily news and videos

Install App

తిరుమల శ్రీవారి ముందున్న పరదాలు చూడండి (వీడియో)

తెరతీయరా స్వామి.. అంటూ తిరుమల వెంకన్నపై వచ్చే పాటలు భక్తి భావంలోకి తీసుకెళుతుంటాయి. అఖిలాండ కోటి బ్రహ్మాండనాయకుడికి భక్తులకు కొదవలేదు. మహారాజైన తొండమాన్ చక్రవర్తి నుంచి నిరుపేద అయిన కుమ్మరదాసు వరకు ఎందరో ఆయన సేవలో తరించిన వారే... ఈనాటికి తరిస్తున్న వ

Webdunia
గురువారం, 21 సెప్టెంబరు 2017 (20:42 IST)
తెరతీయరా స్వామి.. అంటూ తిరుమల వెంకన్నపై వచ్చే పాటలు భక్తి భావంలోకి తీసుకెళుతుంటాయి. అఖిలాండ కోటి బ్రహ్మాండనాయకుడికి భక్తులకు కొదవలేదు. మహారాజైన తొండమాన్ చక్రవర్తి నుంచి నిరుపేద అయిన కుమ్మరదాసు వరకు ఎందరో ఆయన సేవలో తరించిన వారే... ఈనాటికి తరిస్తున్న వారే. ఒక్కొక్కరు ఒక్కో విధంగా స్వామివారికి సేవ చేస్తుంటే తిరుపతికి చెందిన ఒక వ్యక్తి మాత్రం స్వామివారికి ఎన్నో యేళ్ళుగా పరదాలను కానుకగా సమర్పించి ఆయన సేవలో తరిస్తున్నారు. త్వరలో జరిగే శ్రీవారి బ్రహ్మోత్సవాలకు కూడా పరదాలను సిద్ధం చేశారు. ఇంతకీ ఎవరా వ్యక్తి.. ఏమా కథ.. చూడండి.
 
తన వృత్తినే ఇంటి పేరుగా మార్చుకున్నారు తిరుపతికి చెందిన మణి. సాధారణ టైలర్‌గా జీవితాన్ని ప్రారంభించి అనుకోకుండా తిరుమల వెంకన్నకే పరదాలను సమర్పించే మహద్భాగ్యాన్ని సంపాదించాడు. ఎన్నో సంవత్సరాలుగా స్వామివారికి జరిగే కార్యక్రమాల్లో యేడాదికి నాలుగుసార్లు పరదాలను ఉచితంగా అందిస్తూ వస్తున్నారు పరదాల మణి. కోయిల్ ఆళ్వార్ తిరుమంజనం, ఆణివారం ఆస్థానం, ఉగాది ఆస్థానం, బ్రహ్మోత్సవం ఇలా యేడాదికి నాలుగుసార్లు పరదాలను సిద్థం చేసి అందిస్తున్నాడు. మణి అందించే పరదాలే ఆలయంలోని గర్భగుడిలో స్వామి వారి ముందు ఉపయోగిస్తున్నారు. ఈ యేడాది జరిగే బ్రహ్మోత్సవాల్లో కూడా పరదాల మణి ఐదు పరదాలను సిద్థం చేశారు. 
 
బంగారు వాకిలి వద్ద మహాలక్ష్మి ప్రతిమతో ఉన్న పరదా తయారుచేశారు. ఆ పరదా మొత్తం స్వామివారి ఆభరణాలు, శంఖు, చక్రాలు, వడ్డానం, తిరునామాలు ఉండేలా తయారుచేశారు. అలాగే మరో పరదా పద్మావతి దేవి, పచ్చలు, మామిడి తోరణాలతో తయారుచేశారు. ఇక ఏకాంత సేవ కోసం మరో పరదా, రాముల మేడ పరదా, కులశేఖరపడి వద్ద మరో పరదా ఇలా మొత్తం ఐదు పరదాలను సిద్ధం చేసి ఉంచారు పరదాల మణి. 
 
ఈ నె 23వ తేదీ నుంచి ప్రారంభం కానున్న శ్రీవారి బ్రహ్మోత్సవాల్లో పరదాల మణి తయారుచేసిన పరదాలనే ఉపయోగించనున్నారు. ఎప్పుడూ శ్రీవారిపై ఉన్న భక్తితో మణి ఎంతో నియమనిష్టలతో ఈ పరదాలను తయారుచేస్తున్నారు. గత కొన్నేళ్ళుగా పరదాలను సొంత ఖర్చుతో తయారుచేసి ఉచితంగా టిటిడికి అందిస్తున్నారు. స్వామివారికి సేవ చేయడమే మహద్భాగ్యంగా భావిస్తున్నానని, ఇలాంటి అవకాశం రావడం చాలా సంతోషంగా ఉందంటున్నారు పరదాల మణి. వీడియో చూడండి...

సంబంధిత వార్తలు

అన్నీ చూడండి

తాాజా వార్తలు

Nara Lokesh: న్యూ స్కిల్ డెవలప్‌మెంట్ పోర్టల్ ప్రారంభించనున్న ఏపీ సర్కారు

హెల్మెట్ నిబంధన ఓ పెట్రోల్ బంక్ కొంప ముంచింది...

సుడిగాలులు, ఉరుములు అనంతపురం జిల్లాలో భారీ వర్షాలు

Pulivendula: పులివెందుల జెడ్పీటీసీ ఉప ఎన్నికపైనే అందరి దృష్టి

స్పా సెంటరులో వ్యభిచారం.. ఓ కస్టమర్.. ఇద్దరు యువతుల అరెస్టు

అన్నీ చూడండి

టాలీవుడ్ లేటెస్ట్

ఒకే ఒక్క రీల్స్‌కు ఏకంగా 190 కోట్ల వీక్షణలు...

Prabhas: ది రాజా సాబ్ గురించి ఆసక్తికర ప్రకటన చేసిన నిర్మాత

ఫ‌న్, లవ్, ఫ్యామిలీ ఎంట‌ర్‌టైన‌ర్‌ గా బ‌న్ బ‌ట‌ర్ జామ్‌ ట్రైలర్

శ్వేతా మీనన్ అశ్లీల కంటెంట్‌ చిత్రంలో నటించారా? కేసు నమోదు

అనుష్క శెట్టి, క్రిష్ జాగర్లమూడి కాంబినేషన్ ఫిల్మ్ ఘాటీ రిలీజ్ డేట్ ఫిక్స్

తర్వాతి కథనం
Show comments