టాలీవుడ్ యూత్ స్టార్ రాజ్ తరుణ్, మాళవికా నాయర్, హెబ్బా పటేల్ నటిస్తున్న తాజా చిత్రం ఒరేయ్ బుజ్జిగా. ఈ చిత్రానికి విజయ్‌ కుమార్‌ కొండా దర్శకత్వం వహిస్తున్నారు. శ్రీ సత్యసాయి ఆర్ట్స్‌ పతాకంపై కె.కె.రాధామోహన్‌ ఈ చిత్రాన్ని నిర్మించారు.
గాంధీజయంతి సందర్భంగా అక్టోబర్‌ 2న ఆహా ఓటీటీ ద్వారా ఈ చిత్రం ప్రేక్షకుల ముందుకురానున్నది. కుటుంబ విలువలతో ముడిపడిన యూత్‌ఫుల్‌ లవ్‌ ఎంటర్‌టైనర్‌గా ఈ చిత్రం రూపొంద‌గా, తాజాగా చిత్ర ట్రైలర్ విడుద‌లైంది. అక్కినేని నాగ చైత‌న్య త‌న ట్విట్ట‌ర్ ద్వారా ఒరేయ్ బుజ్జిగా చిత్ర ట్రైలర్ రిలీజ్ చేశారు.
ఈ ట్రైలర్ చూస్తుంటే మ‌న‌ల్ని నవ్విస్తూనే మనసుల్ని కదిలించే భావోద్వేగాలుంటాయని తెలుస్తుంది. రాజ్‌తరుణ్‌, మాళవికా నాయర్ కెమిస్ట్రీ ఆకట్టుకునేలా ఉంది. వాణీ విశ్వనాథ్‌, నరేష్‌, పోసానికృష్ణ మురళి ప్రధాన పాత్రల్లో నటిస్తున్న ఈ చిత్రానికి సంగీతం అనూప్‌ రూబెన్స్ అందించారు.