స్టార్ డైరెక్టర్ పూరీ జగన్నాథ్, టాలీవుడ్ సంచలనం విజయ్ దేవరకొండ కాంబినేషన్‌లో తెరకెక్కిన చిత్రం "లైగర్" (సాలా క్రాస్ బీడ్). ఈ చిత్రం ట్రైలర్ను గురువారం హైదరాబాద్‌లో విడుదల చేశారు. మెగాస్టార్ చిరంజీవి, రెబల్స్టార్ ప్రభాస్ సోషల్మీడియా వేదికగా ట్రైలర్ను విడుదల చేశారు. పవర్ఫుల్ డైలాగ్స్, ఫైట్స్తో ఈ ట్రైలర్ మాస్ ఆడియన్స్ను ఆకట్టుకుంటోంది.
సెన్సేషనల్‌ స్టార్ విజయ్ దేవరకొండ హీరోగా నటించిన ఫుల్ లెంగ్త్‌ యాక్షన్‌ ఎంటర్‌టైనర్‌‌గా తెరకెక్కింది. ఈ సినిమా తెలుగు ట్రైలర్ను గురువారం ఉదయం మెగాస్టార్ చిరంజీవి, రెబల్స్టార్ ప్రభాస్ సోషల్మీడియా వేదికగా విడుదల చేశారు.
యాక్షన్‌ సీక్వెన్స్‌లలో విజయ్ దేవరకొండ చేసిన స్టంట్స్‌, ప్రముఖ బాక్సర్‌ మైక్‌టైసన్‌తో బాక్సింగ్ సన్నివేశాలు, అనన్యతో రొమాన్స్‌.. ఇలా ప్రతి సన్నివేశం మాస్‌ని మెప్పించేలా ఉంది. విజయ్ దేవరకొండ చెప్పే పవర్ఫుల్ డైలాగ్స్ ఈలలు వేయిస్తున్నాయి.
కాగా, విజయ్ దేవరకొండ కెరీర్‌లోనే మొదటి పాన్‌ ఇండియా ప్రాజెక్ట్‌ ఇది. మథర్‌ సెంటిమెంట్‌, కిక్‌ బాక్సింగ్ నేపథ్యంలో తెరకెక్కిన చిత్రమిది. ఇందులో విజయ్‌కు తల్లిగా అలనాటి నటి రమ్యకృష్ణ కీలకపాత్ర పోషించారు. అనన్యపాండే కథానాయిక. పూరీ కనెక్ట్స్‌, ధర్మా ప్రొడెక్షన్స్‌ పతాకంపై ఛార్మి, కరణ్‌ జోహార్‌ ఈ చిత్రాన్ని నిర్మిస్తున్నారు. ప్రస్తుతం ఈ సినిమా పోస్ట్‌ ప్రొడెక్షన్‌ పనులు జరుగుతున్నాయి. ఆగస్టు 25 ఈ సినిమా విడుదల కానుంది.