ఆ ఒక్క సినిమా నన్ను ఇప్పటికీ ఆలోచింపజేస్తోందంటున్న రోజా..! (video)

సినీ ప్రముఖులు ఒక్కో సంధర్భంలో ఒక్కో విధంగా స్పందిస్తూ ఉంటారు. చాలామంది పాత జ్ఞాపకాలను నెమరవేసుకుంటూ ఉంటారు. అందులోను రెండు రంగాల్లో ఉన్నవారైతే ఎప్పుడూ ఏదో ఒకటి మాట్లాడుతూ చర్చకు తెరలేపుతుంటారు. అలాంటి వారిలో రోజా ఒకరు.

ప్రజాప్రతినిధిగా ప్రజా సేవ చేస్తూ.. మరోవైపు సినీ రంగంలో తాను ఏవిధంగా నడుచుకున్నాను అన్న విషయాన్ని గుర్తు చేసుకుంటూ ఉంటారు. రెండుసార్లు ఎమ్మెల్యేగా గెలుపొందిన రోజా ప్రస్తుతం రాజకీయాల్లోనే బిజీగా ఉన్నారు. అడపాదడపా టీవీ షోలను చేసేస్తున్నారు.

అయితే ఈమధ్య రోజా కొన్ని ఆసక్తికర వ్యాఖ్యలు చేశారు. నేను ఎన్నో సినిమాల్లో నటించాను. అయితే ఒక్క సినిమా అన్నమయ్యను మాత్రం ఇప్పటికీ మర్చిపోలేను. ఎప్పుడూ నాకు గుర్తుండి పోతుంది. అందులో నేను చేసిన పాత్రను ఇప్పటికీ తలుచుకుంటూనే ఉంటాను.

ఆ సినిమాలో అద్భుత అవకాశాన్ని నాకిచ్చారు. నేను చేసిన క్యారెక్టర్ చిన్నదైనా అందులో నాకు ఎంతో గుర్తింపు వచ్చింది. వేంకటేశ్వరస్వామి మీద పాటలు రాసిన గొప్ప వ్యక్తి అన్నమయ్యపై తెరకెక్కించిన చిత్రంలో నాకు అవకాశం లభించడం ఎంతో సంతోషంగా ఉంది అంటూ చెబుతోంది రోజా.