"2పాయింట్ఓ'' పాట అదిరింది.. నా ప్రియమౌ ప్రియమో బ్యాటరివే.. నీ బస్‌కి కండక్ట ర్ నే.. అంటూ? (video)

ప్రముఖ దర్శకుడు శంకర్ రూపొందిన "2పాయింట్ఓ'' సినిమా నవంబర్ 29వ తేదీన ప్రపంచ వ్యాప్తంగా రిలీజ్ కానుంది. ఈ సినిమాకు చెందిన ట్రైలర్ నెట్టింట వైరల్ అవుతోంది. ఇక నవంబర్ 29వ తేదీన ప్రపంచ వ్యాప్తంగా విడుదల కానుంది.

తాజాగా రోబో సీక్వెల్ తెలుగు వర్షన్‌కు సంబంధించిన లిరికల్ వీడియోను విడుదల చేశారు. "నా ప్రియమౌ ప్రియమో బ్యాటరివే విడిచి వెళ్లిపోవద్దే…. నా ప్రియమౌ ప్రియమో బ్యాటరివే అసలేం తరగొద్దే" అంటూ ఈ పాట వీడియోలో కొనసాగుతోంది. ఈ పాటకు ఏఆర్ రెహ్మాన్ పాటలు అందించారు. 

ఈ పాటలో కంప్యూటర్‌కు సంబంధించిన పదాలే అధికంగా వున్నాయి. రోబోస్ రూపంలోని హీరో, హీరోయిన్లు పాడుకునేలా ఈ పాటను ట్యూన్ చేశారు. ''నా వైఫై వైఫే నువ్వే'' అనే పదాలు బాగున్నాయి. అలాగే ''నీ బస్‌కి కండక్టర్ నే" అనే లైన్ రజనీ ఫ్యాన్సును కట్టి పడేస్తోంది. 

ఎందుకంటే.. రజనీకాంత్ సినీ పరిశ్రమకు రాకముందు కండక్టర్‌గా పనిచేసిన సంగతి తెలిసిందే. ప్రస్తుతం ఈ లిరికల్ సాంగ్ నెట్టింట వైరల్ అవుతోంది. రోబో-2ను అత్యద్భుతమైన సాంకేతిక విలువలతో శంకర్ తెరకెక్కించారు. ఈ సినిమా కలెక్షన్ల పరంగా కుమ్మేయనుందని టాక్ వస్తోంది.