సునీల్ సరసన రంగమ్మత్త.. కాంబో అదిరిపోతుందిగా..!?

కామెడీ టైమింగ్‌తో ప్రేక్షకులను కడుపుబ్బ నవ్వించడంలో సునీల్ ముందుంటాడు. దశాబ్ధాలుగా హాస్యనటుడిగా, ఆపై హీరోగా మారిన సునీల్ ప్రస్తుతం మళ్లీ ఫామ్‌లోకి వచ్చేందుకు సిద్ధం అవుతున్నాడు. రాజమౌళి సినిమా 'మర్యాద రామన్న' సినిమాతో హీరోగా భారీ హిట్ అందుకున్న సునీల్ తరువాత హిట్ అన్న పేరుకు ఆమడ దూరంలో ఉన్నాడు. దాంతో మళ్లీ కమెడియన్‌గా రీఎంట్రీ ఇచ్చాడు. 

అయినప్పటికీ హీరోగా చేసేందుకు అడపతడప అవకాశాలు వస్తున్నాయి. అదేవిధంగా ఇటీవల సునీల్‌కి హీరో అవకాశం వచ్చింది. ఇటీవల సీ చంద్రమోహన్ దర్శకత్వంలో హీరోగా చేసేందుకు సునీల్ ఓకే చెప్పాడు. దీనికి 'వేదాంతం రాఘవయ్య' అనే పేరును ఫిక్స్ చేశారు. 

ఈ సినిమా షూటింగ్ కూడా త్వరలో ప్రారంభం కానుంది. ఇక ఈ సినిమాలో సునీల్ సరసన జబర్దస్త్ ఫేమ్ అనసూయను ఎంపిక చేయనున్నారట. ఇప్పటికే రంగమ్మత్తను చిత్రయూనిట్ సంప్రదించిందని వార్తలు వస్తున్నాయి. అంతేకాకుండా ఈ సినిమాలో చేసేందుకు రంగమ్మత్త ఓకే చెప్పిందట. సునీల్, అనసూయ అంటే చాలా క్రేజీ కాంబో అని అభిమానులు భావిస్తున్నారు. దీంతో ఈ సినిమాపై అంచనాలు భారీగా పెరిగాయి.