ఘంటసాల బయోపిక్ - అడ్డుకుంటామంటున్న కుటుంబ స‌భ్యులు
తెలుగులో సావిత్రి జీవిత చ‌రిత్ర మ‌హాన‌టి సినిమాగా తెరపై రావ‌డం.. ఇది సంచ‌ల‌న విజ‌యం సాధించ‌డంతో ఇప్పుడు టాలీవుడ్‌లో బ‌యోపిక్‌ల ట్రెండ్ న‌డుస్తోంది. ప్ర‌స్తుతం నంద‌మూరి తార‌క రామారావు జీవిత చ‌రిత్ర ఎన్టీఆర్ పేరుతో రానుంది. క్రిష్ ద‌ర్శ‌క‌త్వంలో రూపొంద
తెలుగులో సావిత్రి జీవిత చ‌రిత్ర మ‌హాన‌టి సినిమాగా తెరపై రావ‌డం.. ఇది సంచ‌ల‌న విజ‌యం సాధించ‌డంతో ఇప్పుడు టాలీవుడ్‌లో బ‌యోపిక్‌ల ట్రెండ్ న‌డుస్తోంది. ప్ర‌స్తుతం నంద‌మూరి తార‌క రామారావు జీవిత చ‌రిత్ర ఎన్టీఆర్ పేరుతో రానుంది. క్రిష్ ద‌ర్శ‌క‌త్వంలో రూపొందుతోన్న ఈ సినిమా సంక్రాంతికి ప్రేక్ష‌కుల ముందుకు రానుంది. కాంతారావు బయోపిక్ కూడా వ‌చ్చేందుకు రెడీ అవుతోంది. క‌ళాత‌ప‌స్వి విశ్వ‌నాథ్ బయోపిక్ షూటింగ్ జ‌రుపుకుంటోంది.
ఈ నేపథ్యంలోనే ఘంటసాల ది గ్రేట్ అనే టైటిల్‌తో ఆయన బయోపిక్ రూపొందించేందుకు ప్లాన్ చేస్తున్న‌ట్టు ఇటీవల ఒక వార్త వచ్చింది. ఈ విషయం గురించి ఘంటసాల త‌న‌యుడు ర‌త్న‌కుమార్ విలేకరులతో మాట్లాడుతూ... ఘంటసాల గారి బయోపిక్‌కి సంబంధించి మా కుటుంబ సభ్యులను ఎవరూ కలవలేదు. మా నుంచి ఎలాంటి అనుమతులను మద్దతును పొందలేదు.
మాకు చెప్పకుండా మా నాన్నగారి జీవితచరిత్రను ఎలా తీస్తారు? మా మనోభావాల మాటేమిటి? అని ఆయన ప్రశ్నించారు. ఈ విషయంపై నేను చట్టపరమైన చర్యలు తీసుకోబోతున్నాను. మా నాన్నగారి బయోపిక్‌ను ఎవరు చేయాలన్నా వాళ్లు మా అనుమతిని పొందవలసిందే. స్క్రిప్ట్ చూపించవలసిందే అని తెలియ‌చేసారు.