మైథలాజికల్ జానర్‌లో అల్లు అర్జున్ - త్రివిక్రమ్ సినిమా!!

అల్లు అర్జున్, త్రివిక్రమ్ శ్రీనివాస్ కాంబినేషన్‌లో మరో చిత్రం రానుంది. "పుష్ప-2" వంటి మాస్ యాక్షన్‌ మూవీ తర్వాత అదే జానర్‌లో వస్తుందని భావించారు. అయితే, ఈ ప్రాజెక్టుపై తాజాగా నిర్మాత నాగవంశీ ఓ కీలకమైన విషయాన్ని వెల్లడించారు. 

త్రివిక్రమ్ శ్రీనివాస్ దర్శకత్వంలో బన్ని ఓ మూవీ చేయనున్న విషయం తెల్సిందే. ఇది పూర్తిగా మైథలాజికల్ జానర్ అని నాగవంశీ తెలిపారు. సోషియో ఫాంటసీ చిత్రం మాత్రం కాదన్నారు. పురాణాల ఆధారంగానే అన్ని సన్నివేశాలు ఉంటాయన్నారు. అక్టోబరు నుంచి షూటింగ్ ప్రారంభమవుతుందని చెప్పారు. 

ఇక ఈ సినిమాలో బన్ని.. కుమారస్వామిగా కనిపిస్తారంటూ గత కొంతకాలంగా ప్రచారం సాగుతుంది. ఇపుడు నాగవంశీ కూడా మైథలాజికల్ జానర్ అని చెప్పడంతో బన్ని లుక్ ఎలా ఉంటుందా అని అభిమానులు ఎదురు చూస్తున్నారు. మరోవైపు, ఎక్స్‌లోనూ ఈ హీరో కుమార్ స్వామిగా ఉన్న జిబ్లీ ఇమేజ్‌లు ట్రెండ్ అవుతున్నాయి.