సుల్తాన్ బాడీ షేప్ కోసం సల్మాన్‌ను పూజిస్తున్న పహిల్వాన్లు.. ఎక్కడ?

సినిమాలు ప్రజల మీద ఎంతటి ప్రభావితం చూపుతాయో అనడానికి ఈ ఘటనే నిదర్శనం. అసలు విషయం ఏమిటంటే... బాలీవుడ్ కండల వీరుడు నటించిన కొత్త చిత్రం 'సుల్తాన్'. ఇటీవలే రిలీజై సంచలన విజయం సాధించింది.

సినిమాలు ప్రజల మీద ఎంతటి ప్రభావితం చూపుతాయో అనడానికి ఈ ఘటనే నిదర్శనం. అసలు విషయం ఏమిటంటే... బాలీవుడ్ కండల వీరుడు నటించిన కొత్త చిత్రం 'సుల్తాన్'. ఇటీవలే రిలీజై సంచలన విజయం సాధించింది. సల్మాన్ అంటేనే అందరికి గుర్తుకొచ్చేది ఫిట్నెస్. ఆ ఫిట్నెస్‌కి ఎంతో మంది ఫిదా అయిపోయారు. ఇదిలావుంటే సల్మాన్ ఖాన్‌ను చూసి ఉత్తరప్రదేశ్‌లో కొంతమంది పహిల్వాన్లు ''సుల్తాన్'' బాడీ షేప్ కోసం కసరత్తులతోపాటు ఏకంగా సల్మాన్ ఖాన్ చిత్రానికి పూజలు చేయడం ప్రారంభించారు.

కాన్పూర్ (యూపీ)లోని చందు అఖడ్ (వ్యాయామశాల)కు చెందిన కొందరు పహిల్వాన్లు ఇటీవలే ''సుల్తాన్'' సినిమా చూశారట. ఆ తర్వాత నుంచి ఫిట్నెస్ కోసం సల్మాన్ చిత్రంలో ఏమేం చేశాడో అన్ని ఫీట్లూ ప్రాక్టీస్ చేయడం మొదలుపెట్టారు. అంతేకాదు వీరు చేసే ప్రతి ఫీట్‌ను సోషల్ మీడియాలో పోస్ట్ చేస్తూ అందరిని దృష్టిని ఆకట్టుకుంటున్నారు. వీరు చేస్తున్న హడావిడిని చూసి కొందరు అభిమాని హీరో పట్ల అభిమానం ఉండొచ్చు కానీ మరీ ఇంత వెర్రి పనికిరాదని కామెంట్స్ వేస్తున్నారు.