ప్రేమ జంటలకు, నవదంపతులకు టూరిస్ట్ స్పాట్‌గా మాల్దీవులు మారిపోయింది. భూతలస్వర్గంగా పేరొందిన మాల్దీవులకు అనేక మంది సెలెబ్రిటీలు విహార యాత్రకు వెళుతున్నారు.
ముఖ్యంగా క‌రోనా తర్వాత ఎవ‌రైన విహార యాత్రకు వెళ్ళాలి అంటే మాల్దీవుస్‌ని ఎంచుకుంటున్నారు. ఇప్ప‌టికే బాలీవుడ్‌, టాలీవుడ్ భామ‌లు మాల్దీవుల్లో చ‌క్క‌ర్లు కొట్ట‌గా ఇటీవ‌ల మోహ‌న్ బాబు ఫ్యామిలీ, కృష్ణం రాజు ఫ్యామిలీ కూడా అక్క‌డికి వెళ్లి అందాల‌ను త‌న‌వితీరా ఆస్వాదించి వ‌చ్చారు.
ఇక ఇప్పుడు కోలీవుడ్ ప్రేమ జంట విష్ణు విశాల్, గుత్తా జ్వాల మాల్దీవుల్లో విహరిస్తున్నారు. మాల్దీవుల్లో బ్యాడ్మింట‌న్ స్టార్ గుత్తా జ్వాలాతో క‌లిసి విష్ణు విశాల్ ఎంజాయ్ చేస్తుండ‌గా, వాటికి సంబంధించిన ఫొటోలు ప్ర‌స్తుతం సోష‌ల్ మీడియాలో హ‌ల్‌చ‌ల్ చేస్తున్నాయి.
కొద్ది రోజుల క్రితం ఈ జంట త‌మ ప్రేమ విష‌యాన్ని బ‌య‌ట‌పెట్ట‌డంతో పాటు నిశ్చితార్ధం కూడా జ‌రుపుకున్నారు. పెళ్లిపై త్వ‌ర‌లోనే క్లారిటీ ఇస్తామంటున్నారు. గుత్తా జ్వాల బ్యాడ్మింట‌న్ అకాడ‌మీని ప్రారంభించ‌గా, దీనికి సంబంధించిన బాధ్య‌త‌ల‌ను ఆమెనే స్వ‌యంగా చూసుకుంటుంది.