ఆది, దిల్, బ‌న్నీ, ఠాగూర్, సాంబ, ల‌క్ష్మీ, కృష్ణ, అదుర్స్, అల్లుడు శీను, ఖైదీ 150... ఇలా మాస్ మూవీస్ తో ప్రేక్ష‌కుల‌ను ఆక‌ట్టుకున్న డైన‌మిక్ డైరెక్ట‌ర్ వి.వి.వినాయక్. ఇన్నాళ్లు డైరెక్ట‌ర్ గా ఆక‌ట్టుకున్న వినాయక్ హీరోగా సీన‌య్య అనే సినిమా చేస్తున్న విష‌యం తెలిసిందే. ఈ సినిమాని దిల్ రాజు నిర్మిస్తున్నారు. శంక‌ర్ ద‌గ్గ‌ర ద‌ర్శ‌క‌త్వ శాఖ‌లో వ‌ర్క్ చేసిన న‌ర‌సింహారావు ఈ చిత్రానికి ద‌ర్శ‌క‌త్వం వ‌హించ‌నున్నారు.
ప్రస్తుతం చిత్రీకరణ జరుపుకుంటున్న ఈ సినిమాకు సంబంధించి మరో ఇంట్రస్టింగ్ న్యూస్ బయటకు వచ్చింది. అది ఏంటంటే... ఈ సినిమాలో వినాయక్‌కు విల‌న్‌కి టాలీవుడ్‌ యంగ్ హీరో నటించనున్నాడు. అందాల రాక్షసి సినిమాతో హీరోగా ఎంట్రీ ఇచ్చి తరువాత విలన్‌గా, సపొర్టింగ్‌ రోల్స్‌లోనూ ఆకట్టుకుంటున్న నవీన్‌ చంద్ర ఈ సినిమాలో విలన్‌గా నటించనున్నాడని తెలిసింది.
వినాయక్ ఈ సినిమా కోసం చాలా జిమ్ లో క‌స‌ర‌త్తులు చేస్తున్నారు.
వినాయక్ మెకానిక్‌గా నటిస్తున్న ఈ సినిమాలో కమర్షియల్ సినిమా తరహా యాక్షన్‌, బిల్డప్‌ సీన్స్‌ పెద్దగా ఉండవట. ఎమోషనల్‌ డ్రామాగా రూపొందుతోన్న ఈ సినిమా పై మంచి క్రేజ్ ఏర్ప‌డింది. మ‌రి.. డైరెక్ట‌ర్ గా స‌క్స‌స్ సాధించిన వినాయక్, యాక్ట‌ర్ గా ఎంత వ‌ర‌కు ఆక‌ట్టుకుంటాడో..? బాక్సాఫీస్ వ‌ద్ద ఎలాంటి సంద‌డి చేస్తాడో...? చూడాలి.