పునీత్ రాజ్‌కుమార్‌కు నివాళుల‌ర్పించిన విజ‌య్ దేవ‌ర‌కొండ‌

Vijay Devarakonda, Ananya

ఇప్పుడు స్టార్ హీరోగా మారిన తెలుగు స్టార్ విజ‌య్ దేవ‌ర‌కొండ న‌టించిన చిత్రం `లైగ‌ర్‌`. పూరీ జ‌గ‌న్నాథ్ ద‌ర్శ‌క‌త్వంలో రూపొందిన ఈ సినిమాలో అన‌న్య క‌థానాయిక‌గా న‌టించింది. ఈనెల 25న సినిమా విడుద‌ల కాబోతుంది. ఈ సంద‌ర్భంగా దేశంలో అన్ని భాష‌ల్లోనూ లైగ‌ర్ విడుద‌ల‌కాబోతుంది. అందుకే దేశ‌మంతా ప‌లు ప్రాంతాల‌ను ప‌ర్య‌టిస్తూ మీడియాతో ఇంట్రాక్ట్ అవుతున్నారు.

At Puneeth Rajkumar house

ఆ ప్ర‌కారం శుక్ర‌వారంనాడు బెంగుళూరులో విజ‌య్ దేవ‌ర‌కొండ ప‌ర్య‌టించారు. ఎయిర్ పోర్ట్ నుంచి దిగ‌గానే నేరుగా బెంగళూరులో స్వర్గీయ డాక్టర్ పునీత్ రాజ్‌కుమార్‌కు స‌మాథి వ‌ద్ద‌కు వెళ్ళి ప్రార్థనలు చేశారు. అనంత‌రం ఇంటికి వెళ్ళి ఆయ‌న ఫొటోకు న‌మ‌స్క‌రిస్తూ అశ్రునివాళుల‌ర్పించారు. మ‌హాన‌టుడుని కోల్పోయామ‌ని బాధ‌ను వ్య‌క్తం చేశారు. క‌ర్నాట‌క ప్ర‌జ‌ల‌కు ఆరాధ్య‌దేవునిగా మారిన ఆయ‌న లేని లోటు తీర్చ‌లేనిదని పేర్కొన్నారు.