టాలీవుడ్ యువ సంచలనం విజయ్ దేవరకొండ. జయాపజయాలతో ఎలాంటి సంబంధం లేకుండా వరుస చిత్రాలు చేస్తూ, అనుకున్న సమయానికి విడుదల చేస్తున్న హీరో. 'గీత గోవిందం' వంటి భారీ హిట్ చిత్రం తర్వాత "నోటా"తో ప్రేక్షకుల ముందుకు వచ్చాడు. ఈ చిత్రం బాక్సాఫీస్ వద్ద బోల్తాకొట్టింది.
ఇపుడు "టాక్సీవాలా" సినిమాతో ఈ నెల 17వ తేదీన ప్రేక్షకుల ముందుకురానున్నాడు. రాహుల్ సాంకృత్యన్ దర్శకత్వంలో తెరకెక్కిన ఈ సినిమాలో విజయ్ సరసన ప్రియాంకా జవల్కర్ హీరోయిన్‌గా నటించింది.
అయితే తాజాగా దివాళీ శుభాకాంక్షలు తెలుపుతూ.. విడుదల తేదీతో కూడిన మరో కొత్త పోస్టర్ను యూనిట్ సభ్యులు బయటకు వదిలారు. ఈ పోస్టర్‌లో యంగ్ హీరో విజయ్ దేవరకొండ, హీరోయిన్ ప్రియాంకా జవల్కర్‌తో కలిసి క్రాకర్స్ కాలుస్తూ కనిపించాడు.
ఎంతో ఆకర్షణీయంగా ఉన్న ఈ పోస్టర్ సోషల్ మీడియాలో వైరల్ అవుతోంది. అయితే ఈ పోస్టర్ చూసిన ఆయన అభిమానులు మాత్రం.. "మా హీరో క్రాకర్స్ కాలుస్తూ బాగా కలరింగ్ ఇస్తున్నాడు" అని చెప్పుకోవటం విశేషం.