విజ‌య్ దేవ‌ర‌కొండ‌ కొత్త చిత్రం ప్రారంభానికి హేమాహేమీలు...

సెన్సేష‌న‌ల్ హీరో విజ‌య్ దేవ‌ర‌కొండ‌, విమ‌ర్శ‌కుల ప్ర‌శంస‌లు అందుకున్న ద‌ర్శ‌కుడు క్రాంతిమాధ‌వ్ కాంబినేష‌న్లో రూపొందుతున్న సినిమా ఓపెనింగ్ ద‌స‌రా సంద‌ర్భంగా హైద‌రాబాద్‌లో జ‌రిగింది. ఈ కార్య‌క్ర‌మానికి ఇండ‌స్ట్రీ పెద్ద‌లంతా వ‌చ్చారు. టి సుబ్బిరామిరెడ్డి, నిర్మాత‌లు అల్లు అర‌వింద్, అశ్వినీదత్, బివిఎస్ఎన్ ప్ర‌సాద్,సి క‌ళ్యాణ్.. ద‌ర్శ‌కులు కే రాఘ‌వేంద్ర‌రావ్ మ‌రియు నాగ్ అశ్విన్ ఈ కార్య‌క్ర‌మానికి ముఖ్య అతిథులుగా విచ్చేసారు.

క‌ళాబంధు టి సుబ్బిరామిరెడ్డి హీరోహీరోయిన్ల‌పై తొలి షాట్‌కు క్లాప్ కొట్ట‌గా.. అల్లు అర‌వింద్ కెమెరా స్విచ్ ఆన్ చేసారు. తొలి షాట్ ద‌ర్శ‌కేంద్రుడు రాఘ‌వేంద్ర‌రావ్ తెర‌కెక్కించారు. ఈ ప్రేమ‌క‌థా చిత్రంలో రాశీఖ‌న్నా, ఐశ్వ‌ర్యా రాజేష్, ఇసాబెల్లె డి హీరోయిన్లుగా న‌టిస్తున్నారు. గోపీసుంద‌ర్ సంగీతం అందిస్తుండ‌గా.. జేకే సినిమాటోగ్ర‌ఫీ అందిస్తున్నారు. తెలుగు ఇండ‌స్ట్రీలో ప్ర‌తిష్టాత్మ‌క నిర్మాణ సంస్థ క్రియేటివ్ క‌మ‌ర్షియ‌ల్స్ ఈ చిత్రాన్ని నిర్మిస్తోంది. కేఎస్ రామారావు స‌మ‌ర్పిస్తుండ‌గా.. కేఏ వ‌ల్ల‌భ నిర్మిస్తున్నారు. 

విజ‌య్ దేవ‌ర‌కొండ‌, రాశీఖ‌న్నా,ఐశ్వ‌ర్యా రాజేష్,ఇసాబెల్లె డి, ర‌చ‌న‌, ద‌ర్శ‌కుడు: క్రాంతి మాధ‌వ్, స‌మ‌ర్ప‌కుడు: కేఎస్ రామారావు, నిర్మాత‌: కేఎ వ‌ల్ల‌భ‌, నిర్మాణ సంస్థ: క్రియేటివ్ క‌మ‌ర్షియ‌ల్స్, సంగీతం: గోపీసుంద‌ర్, సినిమాటోగ్ర‌ఫర్: జేకే, ప్రొడ‌క్ష‌న్ డిజైన్: సాహీ సురేష్, పిఆర్ఓ: వ‌ంశీ శేఖ‌ర్.