ఫైవ్ స్టార్ ఎంట‌ర్‌టైన్‌మెంట్స్ బ్యాన‌ర్‌పై ఫారెస్ట్ బ్యాక్‌డ్రాప్‌లో ఓ చిత్రాన్ని నిర్మించేందుకు తేళ్ల ర‌మేష్ స‌న్నాహాలు చేస్తున్నారు. తొలి చిత్రం 'క‌వ్వింత'తో ఇటు ప్రేక్ష‌కుల, అటు విమ‌ర్శ‌కుల ప్ర‌శంస‌లు అందుకున్న విజ‌య్ చౌద‌రి త్రిపుర‌నేని ఈ చిత్రానికి ద‌ర్శ‌క‌త్వం వ‌హించ‌నున్నారు. ద‌ర్శ‌కుడు విజ‌య్ చౌద‌రి త్రిపుర‌నేని మాట్లాడుతూ, ఫారెస్ట్ బ్యాక్‌డ్రాప్‌లో ల‌వ్ యాక్ష‌న్ ఫ్యామిలీ ఎంట‌ర్‌టైన‌ర్‌గా ఈ సినిమాని రూపొందిస్తామ‌న్నారు.
ఒక యంగ్ హీరో ఈ సినిమాలో న‌టిస్తార‌నీ, అంద‌రూ టాప్ టెక్నీషియ‌న్ల‌తో ప‌నిచేస్తామ‌నీ ఆయ‌న చెప్పారు. నిర్మాత తేళ్ల ర‌మేష్ మాట్లాడుతూ, ఈ ఏడాది చివ‌ర‌లో షూటింగ్‌ను ప్రారంభిస్తామ‌న్నారు. ద‌ర్శ‌కుడు చెప్పిన క‌థ బాగా న‌చ్చింద‌నీ, 'క‌వ్వింత' త‌ర్వాత ఇది ఆయ‌న‌కు రెండో సినిమా అనీ చెప్పారు. ఈ చిత్రానికి ప‌నిచేసే తారాగ‌ణం, సాంకేతిక నిపుణుల వివ‌రాలు త్వ‌ర‌లో వెల్ల‌డిస్తామ‌ని ఆయ‌న తెలిపారు.