ఇటీవలే టాలీవుడ్ స్టార్ వెంకీ కుమార్తె ఎంగేజ్‌మెంట్ జరిగిన సంగతి తెలిసిందే. హైదరాబాద్ రేస్ క్లబ్ చైర్మన్ ఆర్ సురేందర్ రెడ్డి మనవడితో పెళ్లి జరిపించబోతున్నట్లు తెలియజేసారు. అయితే నిశ్చితార్థం కూడా చాలా కొద్ది మంది సన్నిహితుల మధ్య ఎటువంటి హడావుడి లేకుండా చాలా ప్రైవేట్‌గా జరిగింది. ఈ కార్యక్రమానికి సంబంధించి ఒక్క ఫోటో కూడా బయటకు రాకుండా జాగ్రత్త పడ్డారు.
ఈ వివాహాన్ని ఈ వారంలోనే జరిపేందుకు ఏర్పాట్లు చేస్తున్నారు. రాజస్థాన్‌లో జరగనున్న ఈ వివాహానికి ఇరు కుటుంబాలు, అత్యంత సన్నిహితులను మాత్రమే ఆహ్వానించారట. ఇప్పటికే పెళ్లికి ముందు చేసే వేడుకలు రాజస్థాన్‌లో ప్రారంభమయ్యాయి. సంగీత్ కార్యక్రమం కోసం రానా, నాగచైతన్య, సమంత ప్రిపేర్ అయినట్లు సమాచారం.
అయితే పెళ్లి కార్యక్రమాలకు సంబంధించి ఎటువంటి ఫోటోలు మీడియాకు లీక్ కాకుండా దగ్గుబాటి ఫ్యామిలీ చాలా జాగ్రత్తగా ఉన్నారట. అయితే పెళ్లి పూర్తయ్యాక రిసెప్షన్ మాత్రం హైదరాబాద్‌లో గ్రాండ్‌గా నిర్వహించాలని భావిస్తున్నారు. ఈ రిసెప్షన్‌కు సినీ ఇండస్ట్రీ ప్రముఖులతో పాటు అభిమానులను కూడా ఆహ్వానించాలని భావిస్తున్నారట.