సమంతతో విడిపోయాక నాగచైతన్య సినిమాలు, వెబ్ సిరీస్, వ్యాపారాలంటూ బిజీగా వున్నాడు. గత ఏడాది లవ్ స్టోరీ చిత్రంతో ప్రేక్షకులని అలరించిన నాగ చైతన్య ఈ ఏడాది సంక్రాంతికి తండ్రి నాగార్జునతో కలిసి నటించిన బంగార్రాజు సినిమాతో వరుసగా సూపర్ హిట్స్‌ను తన ఖాతాలో వేసుకున్నాడు.
అలాగే దిల్ రాజు నిర్మాణంలో విక్రం కె కుమార్ దర్శకత్వంలో చైతు-రాశిఖన్నా జంటగా నటించిన 'థాంక్యూ' సినిమా రిలీజ్‌కు రెడీ అవుతోంది.
అలాగే, బాలీవుడ్ ఎంట్రీ ఇస్తూ మిస్టర్ పర్‌ఫెక్ట్ ఆమిర్ ఖాన్‌తో కలిసి నటించిన లాల్ సింగ్ చద్దా చిత్రం సమ్మర్ కానుకగా రిలీజ్ కానుంది. మరి కొన్ని ప్రాజెక్టులు కూడా చైతూ ఖాతాలో ఉన్నాయి. ఇలా పరిస్థితుల్లో సమంతకు దూరమై క్షణం తీరిక లేకుండా గడుపుతున్నాడు.
గ్యాప్‌లో చైతన్య హైదరాబాద్‌లో 'సోయు' కొత్త రెస్టారెంట్‌ను ప్రారంభించారు. తన ఇన్‌స్టాగ్రామ్‌ ద్వారా పోస్ట్ పెట్టి తెలిపారు. ఇది చూసిన విక్టరీ వెంకటేశ్ కూతురు ఆశ్రిత ..'ఈ కొత్త ప్రయాణానికి శుభాకాంక్షలు బావా' అంటూ చైతూ పెట్టిన పోస్ట్‌కు రిప్లై ఇస్తూ విషెస్ తెలిపింది. ఇక నాగ చైతన్య అభిమానులు ఈ సందర్భంగా విషెస్ తెలుపుతున్నారు.