పవర్ స్టార్ పవన్ కళ్యాణ్ నటిస్తున్న తాజా చిత్రం వకీల్ సాబ్. బాలీవుడ్ చిత్రం పింక్‌కు రీమేక్. బాలీవుడ్ ప్రముఖ నిర్మాత బోనీకపూర్ సమర్పకుడిగా, టాలీవుడ్ ఏస్ ప్రొడ్యూసర్ దిల్ రాజు నిర్మిస్తున్న చిత్రం. వేణూ శ్రీరామ్ దర్శకత్వం వహిస్తున్న ఈ చిత్రంలో నివేదా థామస్, అంజలి, అనన్య నాగళ్ల కీలకపాత్రల్లో నటిస్తున్నారు. ప్రస్తుతం ఈ మూవీ షూటింగ్ శరవేగంగా సాగుతోంది.
అయితే, ఈ చిత్రానికి సంబంధించిన ఏ ఒక్క అప్‌డేట్ వచ్చినా అది సోషల్ మీడియాలో వైరల్ అవుతోంది. ఇప్పటికే ఈ చిత్రానికి సంబంధించిన ఫస్ట్ లుక్ పోస్టర్లు, టీజర్లు ఇలా ప్రతిదీ వైరల్‌గా మారిన విషయం తెల్సిందే.
అయితే, ఇపుడు పవన్ సత్తా ఏంటో తెలిసింది. 'వకీల్ సాబ్' సినిమా విడుదలకు ముందే సోషల్ మీడియాలో హవా సాగిస్తోంది. ఈ చిత్ర సమర్పకుడు బోనీ కపూర్ మంగళవారం ఓ ఆసక్తికర ట్వీట్ చేశారు.
'వకీల్ సాబ్' చిత్రం 2020లో అత్యధిక ట్వీట్లతో రికార్డు సృష్టించిందని వెల్లడించారు. త్వరలోనే పవర్ సత్తా ఏంటో చూస్తారని పేర్కొన్నారు. 'పింక్' చిత్రంలో అమితాబ్ బచ్చన్ పోషించిన పాత్రను 'వకీల్ సాబ్'లో పవన్ పోషిస్తున్న విషయం తెల్సిందే.