రాంచరణ్‌తో వివాహమైన తరువాత ఉపాసన చాలా చురుగ్గా కనిపిస్తోంది. ఎప్పుడూ సామాజిక మాధ్యమాలే వేదికగా తన కుటుంబ విషయాలను ఆమె పంచుకుంటోంది. స్నేహితులతో నేరుగా షేర్ చేసుకుంటోంది. అయితే ఫుడ్ విషయంలో ఈమధ్యకాలంలో డైటింగ్‌లో ఉన్న ఉపాసన స్లిమ్‌గా తయారైంది. తాను మితంగా తినడం వల్లే ఇది సాధ్యమైందని చెబుతోంది ఉపాసన.
అయితే తనకు వంట చేయడం పెద్దగా రాదని.. ఆ విషయం మెగా ఫ్యామిలీలో అందరికీ తెలుసునని.. ముఖ్యంగా తన భర్త రాంచరణ్‌కు తెలుసునని చెబుతోంది ఉపాసన. అంతేకాదు తను ఎప్పుడైనా వంటగదికి వెళ్ళడం రాంచరణ్ చూస్తే మాత్రం వెంటనే ఇంట్లో నుంచి పరుగులు పెట్టి బయటకు వెళ్లిపోతాడని, తాను ఏదైనా వంట చేసి తినిపిస్తానేమోనన్న భయం రాంచరణ్‌‌లో కనిపిస్తూ ఉంటుందన్నారు.
రాంచరణ్ ఏ విషయాన్నయినా క్యాజువల్‌గా తీసుకుంటాడని, దేన్ని సీరియస్‌గా పరిగణలోకి తీసుకోడంటోంది ఉపాసన. జూనియర్ రాంచరణ్ ఎప్పుడు పుడతాడన్నది తన వ్యక్తిగత విషయమని, దాని గురించి మాట్లాడనంటోంది.