మాటల మాంత్రికుడు త్రివిక్రమ్ 'అ.. ఆ..' జూన్ 2న రిలీజ్ .. ట్విటర్‌లో నితిన్ వెల్లడి

మాటల మాంత్రికుడు త్రివిక్రమ్‌ దర్శకత్వంలో నితిన్‌, సమంత హీరోహీరోయిన్లుగా తెరకెక్కిన చిత్రం 'అ..ఆ' (అనసూయ రామలింగం వర్సెస్‌ ఆనంద్‌ విహారి). ఈ చిత్రం జూన్‌ రెండో తేదీన ప్రపంచ వ్యాప్తంగా విడుదల కానుంది. 

ఈ విషయాన్ని ఆ చిత్ర హీరో నితిన్‌ శనివారం సోషల్‌మీడియా ట్విటర్‌ ద్వారా ఈ విషయాన్ని ప్రకటించారు. ఈ సందర్భంగా చిత్రానికి సంబంధించి సరికొత్త పోస్టర్‌ను అభిమానులతో పంచుకున్నారు. 

ఈ చిత్రంలో అనసూయ రామలింగం పాత్రలో సమంత, ఆనంద్‌ విహారి పాత్రలో నితిన్‌ కనిపించనున్నారు. అనుపమ పరమేశ్వరన్‌, నరేష్‌, నదియా, అనన్య, శ్రీనివాస్‌ అవసరాల, బ్రహ్మానందం, అలి, పోసాని, రావు రమేష్‌ తదితరులు చిత్రంలో ప్రధాన పాత్రల్లో నటించారు. ఇటీవల విడుదలైన ఈ చిత్రం ఆడియోకు మంచి స్పందన లభించిన సంగతి తెలిసిందే.

కాగా, హారిక అండ్‌ హాసిని క్రియేషన్స్‌ పతాకంపై ఎస్‌. రాధాకృష్ణ ఈ చిత్రాన్ని నిర్మించారు. మిక్కీ జె. మేయర్‌ సంగీతం సమకూర్చారు. త్రివిక్రమ్ కథ, మాటలు సమకూర్చి దర్శకత్వం వహించారు.