పవన్ - కీర్తిరెడ్డిల 'తొలిప్రేమ'కు 20 యేళ్లు

హీరో పవన్ కళ్యాణ్ - కీర్తి రెడ్డి జంటగా నటించిన చిత్రం "తొలిప్రేమ". జివిజి రాజు నిర్మాణ సారథ్యంలో, కరుణాకరన్ దర్శకత్వంలో ఈ చిత్రం తయారైంది. ఈ చిత్రం సరిగ్గా 20 ఏళ్ల క్రితం ఇదే జూలై 24వ తేదీన విడుదలైంద

హీరో పవన్ కళ్యాణ్ - కీర్తి రెడ్డి జంటగా నటించిన చిత్రం "తొలిప్రేమ". జివిజి రాజు నిర్మాణ సారథ్యంలో, కరుణాకరన్ దర్శకత్వంలో ఈ చిత్రం తయారైంది. ఈ చిత్రం సరిగ్గా 20 ఏళ్ల క్రితం ఇదే జూలై 24వ తేదీన విడుదలైంది. పైగా, తెలుగు చిత్ర పరిశ్రమ ఒక అపూర్వ విజయాన్ని అందుకుంది. పవన్ కెరీర్‌లో ఓ మైలురాయిగా నిలిచిపోయింది.

పవన్ కళ్యాణ్ నటించిన 'అక్కడ అమ్మాయి ఇక్కడ అబ్బాయి, గోకులంలో సీత, సుస్వాగతం' సినిమాలు తర్వాత వచ్చిన ఈ 'తొలిప్రేమ' చిత్రం విడుదలైంది. ఆ తర్వాత హీరో పవన్‌ను స్టార్‌గా నిలబెట్టింది. అనేక సెంటర్లలో 150 రోజుల వేడుకను పూర్తిచేసుకున్న ఈ సినిమా ఆల్ టైమ్ క్లాసిక్‌గా నిలిచిపోయింది.

ఈ చిత్రంలో బాలు పాత్రలో పవన్ కనబర్చిన అద్భుతమైన నటన ప్రేక్షలుల్ని కొత్త అనుభూతికి గురిచేసింది. ఈ ఒక్క హిట్‌తో పవన్ స్టార్ హీరోగా నిలబడిపోయారు. ఈ సినిమా విడుదలై మంగళవారానికి 20 ఏళ్లు గడుస్తున్న సందర్భంగా పవన్ అభిమానులు సోషల్ మీడియాలో ఈ విషయాన్ని ట్రెండ్ చేస్తూ సందడి సృష్టిస్తున్నారు.