ఇది చెడ్డ సంప్రదాయం - కొత్త‌గా ఆంధ్ర ఏర్ప‌డ్డాకే వ‌చ్చింది - నాగ‌బాబు
శనివారం, 20 నవంబరు 2021 (16:47 IST)
Naga babu
- శ‌నివారంనాడు ఆయ‌న త‌న స్వంత యూట్యూబ్ ద్వారా ఇలా వెల్ల‌డించారు.
- నేను జ‌న‌సేన సైనికుడిని. ప‌వ‌న్ క‌ళ్యాణ్ నాయ‌క‌త్వంలో చేస్తున్న సైనికుడిగా మాట్లాడుతున్నా. బిజెపి అంటే అభిమానం వుంది. ఈ రెండు త‌ప్ప తెలుగుదేశం పార్టీ కానీ వైసిపీ నానీ త‌ప్పు చేస్తే పోరాటాలు చేస్తాం. పార్టీల ప‌రంగా పాల‌న ప‌రంగా త‌ప్పులు వుంటే ఎత్తిచూపుతాం. ఇలా కుటుంబంలోని వారిని దూషించం.
- చంద్ర‌బాబు పాల‌లో నేను వెటకారంగా మాట్లాడాను. విమ‌ర్శించాను. అలాగే జ‌గ‌న్ పాల‌న‌నూ విమ‌ర్శించాను. అది కూడా ప‌ద్ద‌తిగానే వుంటుంది. కానీ నిన్న జ‌రిగిన శాస‌న‌మండ‌లి స‌భ్యుల తీరు దారి త‌ప్పింది. ఇది వైసీపీతోనే వ‌చ్చింద‌ని కాదు. కొత్త‌గా ఆంధ్ర ఏర్పడ్డాక మొద‌లైంది.
- గ‌తంలో కూడా టిడిపి వ్య‌క్తి చెప్ప‌కూడ‌ని ప‌ద‌జాలంతో వైసిపీ వారిని దూషించాడు. వ్య‌క్తిగ‌తంగా ఎటాక్ చేశారు. సి.ఎం. జ‌గ‌న్ కూడా ఓ మిటింగ్‌లో త‌న‌ను ఇలా అన్నార‌ని బాధ‌ప‌డ్డారు. ఆయ‌న‌కు అధికారులు వున్నారు కాబ‌ట్టి చ‌ర్య తీసుకోగ‌ల‌రు. అప్పుడు కూడా జ‌గ‌న్‌ను తిట్ట‌డం క‌రెక్ట్ కాద‌నిపించింది.
- ఇవాళ చంద్ర‌బాబునాయుడుగారి భార్య భ‌వ‌నేశ్వ‌రిని విమ‌ర్శించ‌డం స‌రికాదు. మీరు లోకేష్‌ను విమ‌ర్శించండి. చంద్ర‌బాబు పాల‌న‌లో అవినీతి ఎండ‌గ‌ట్టండి. కానీ కుటుంబ మ‌హిళ‌ల‌పై దూషించ‌డం చెడ్డ సంప్రదాయం అని పేర్కొన్నారు.
- మా అన్న పార్టీ పెట్టినప్పుడు తిట్టారు. మేం బాధ‌ప‌డ్డాం. అదే బాధ‌ను ఇప్పుడు చంద్ర‌బాబు ప‌డుతుంటే క‌ల‌చివేసింది. ద‌య‌చేసి ఏ పార్టీలోనివారైనా ప్లీజ్‌.. వ్య‌క్తిగ‌తంగా, కుటుంబాల‌ను దూషించ‌కండి.