ఈ బ‌ర్త్‌డే చాలా స్పెష‌ల్ః అమ్రిన్ ఖురేషి.

Amrin Qureshi

హైద‌రాబాద్ బ్యూటి అమ్రిన్ ఖురేషి రెండు బాలీవుడ్ భారీ చిత్రాల్లో నటిస్తోన్న పక్కాహైదరాబాదీ. తెలుగులో సూపర్‌హిట్‌ అయిన 'సినిమా చూపిస్తమావ' చిత్రాన్ని 'బ్యాడ్‌బాయ్‌' పేరుతో బాలీవుడ్‌లో రీమేక్‌ చేస్తున్న విష‌యం తెలిసిందే. ఈ మూవీలో ప్రముఖ నటుడు వెట‌రన్ హీరో మిథున్‌ చక్రవర్తి తనయుడు నమషి చక్రవర్తి స‌ర‌స‌న హీరోయిన్‌గా అమ్రిన్ హీరోయిన్‌గా న‌టిస్తోంది.

ప్ర‌ముఖ ద‌ర్శ‌కుడు  రాజ్‌కుమార్‌ సంతోషి దర్శకత్వంలో ఇన్‌బాక్స్‌ పిక్చర్స్‌ బ్యానర్‌పై సాజిద్‌ ఖురేషి నిర్మిస్తున్నారు. అలాగే  అల్లు అర్జున్‌, త్రివిక్రమ్‌ కాంబినేషన్‌లో రూపొందిన సూపర్‌హిట్‌ మూవీ`జులాయి` హిందీ రీమేక్‌లో కూడా హీరోయిన్‌గా నటిస్తోంది. ఈ చిత్రాన్ని సూపర్‌ డైరెక్టర్‌ టోని డిసౌజ తెర‌కెక్కించ‌నున్నారు. ఆదివారం ఆమె పుట్టిన‌రోజును సెట్లో జ‌రుపుకుంది.

``హీరోయిన్‌గా జ‌రుపుకుంటోన్న ఫ‌స్ట్ బ‌ర్త్‌డే ఇది నాకు చాలా స్పెష‌ల్‌. ఇటీవ‌ల అన్న‌పూర్ణ సెవెన్ ఎక‌ర్స్‌లో వేసిన గ్రాండ్ సెట్లో `బ్యాడ్‌బాయ్` సాంగ్ షూట్ చేశాం.  ఒక సాంగ్ మిన‌హా మిగ‌తా షూటింగ్ పూర్త‌య్యింది. అలాగే త్వ‌ర‌లో `జులాయి`మూవీ షూటింగ్ ప్రారంభంకాబోతుంది.

హైద‌రాబాద్ అమ్మాయిగా బాలీవుడ్‌లో బిజీ అవ‌డం చాలా సంతోషంగా ఉంది. సౌత్‌లో కూడా మంచి ఆఫ‌ర్స్ వ‌స్తున్నాయి.. ప్ర‌స్తుతం డిస్కర్ష‌న్ స్టేజ్ లో ఉన్నాయి. త్వ‌ర‌లోనే వాటి వివ‌రాలు తెలియ‌చేస్తాను. త‌ప్ప‌కుండా ఇది నాకు బెస్ట్ ఇయ‌ర్ అవుతుంద‌ని ఆశిస్తున్నాను`అన్నారు.