భగత్ సింగ్, చంద్రశేఖర్ ఆజాద్ కథతో దేశంకోసం

Ravindra, Jeeva

నాగలక్ష్మి ప్రొడక్షన్ పతాకం పైన రూపొందుతున్న 'దేశంకోసం' చిత్ర నిర్మాణం పూర్తయింది.  స్వాతంత్ర సమర పోరాటంలో అశువులు బాసిన .అమరవీరులు భగత్ సింగ్, చంద్రశేఖర్ల్ ఆజాద్ జీవిత విశేషాల ఆధారంగా ఈ చిత్రాన్ని మలిచారు. గతంలో 'నాగమ నాయకుడు' , రాఘవేంద్ర మహత్యం" వంటి పలు చిత్రాలను నిర్మించడంతో పాటు, ప్రధాన పాత్రలలో నటించిన రవీంద్ర ఈ తాజా చిత్రంలోనూ  ఓ ప్రధాన పాత్ర పోషిస్తూ, దర్శక, నిర్మాతగా దీనిని తెరకెక్కిస్తున్నారు. ఇందులో చంద్రశేఖర్ ఆజాద్ గా  నూతన నటుడు రాఘవేంద్ర నటించగా, భగత్ సింగ్ గా రవీంద్ర నటించారు. చక్కటి దేశభక్తి చిత్రాన్ని ప్రేక్షకులకు అందించాలన్న సదాశయంతో ఈ చిత్రాన్ని ఎంతో అభిరుచితో రూపొందించడం జరుగుతోందని నటుడు, దర్శక, నిర్మాత రవీంద్ర తెలిపారు. 

బుధవారం భగత్ సింగ్ వర్ధంతి సందర్భంగా మొదటిసారి ఈ చిత్రం విశేషాలను తెలియజేస్తున్నట్లు రవీంద్ర వెల్లడించారు.  హైదరాబాద్ పరిసర ప్రాంతాలలో షూటింగ్ జరిపామని, ఇటీవలే షూటింగ్ మొత్తం పూర్తయిందని, నిర్మాణానంతర పనులు త్వరలో  మొదలు కానున్నాయని ఆయన వివరించారు.. ఈ చిత్రంలోని ఇతర ముఖ్య పాత్రలలో సుధ, జీవ, ప్రసాద్ బాబు, సూర్య, అశోక్ కుమార్, మనోహర్, వెంకటేశ్వరరావు, మెహర్, సుహరిన్ తదితరులు తారాగణం. ఈ చిత్రానికి ప్రమోద్ శర్మ, సూర్యప్రకాష్, ఆనంద్, రామారావు, రామకృష్ణ, చంద్రమోహన్ సాంకేతిక నిపుణులు కాగా రచన, స్క్రీన్ ప్లే, నిర్మాణం, దర్శకత్వం: రవీంద్ర.