తమిళ సూపర్‌స్టార్ రజనీకాంత్ నటిస్తున్న తాజా చిత్రం "కాలా". పా. రంజిత్ దర్శకత్వంలో తెరకెక్కుతున్న ఈ చిత్రాన్ని రజనీ అల్లుడు, తమిళ యువ హీరో ధనుష్ నిర్మిస్తున్నాడు. ఈ చిత్రం ఇప్పటికే షూటింగ్ పూర్తి చేసుక
తమిళ సూపర్‌స్టార్ రజనీకాంత్ నటిస్తున్న తాజా చిత్రం "కాలా". పా. రంజిత్ దర్శకత్వంలో తెరకెక్కుతున్న ఈ చిత్రాన్ని రజనీ అల్లుడు, తమిళ యువ హీరో ధనుష్ నిర్మిస్తున్నాడు. ఈ చిత్రం ఇప్పటికే షూటింగ్ పూర్తి చేసుకోగా, ఏప్రిల్ 27వ తేదీన ప్రేక్షకుల ముందుకురానుంది.
రజనీకాంత్ 164వ చిత్రంగా రూపొందుతున్న ఈ సినిమాలో రజనీకాంత్ భార్యగా సీనియర్ నటి ఈశ్వరీ రావ్, కొడుకు పాత్రలో దిలీపన్ నటిస్తున్నాడు. తమిళ నటుడు సముద్ర‌ఖ‌ని, నానా పటేకర్, బాలీవుడ్ బ్యూటీ హూమా ఖురేషి, హిందీ నటి అంజలి పాటిల్ కీలక పాత్రలు పోషిస్తున్నారు.
ఇక అరవింద్ ఆకాశ్ అనే నటుడు కాలా చిత్రంలో శివాజీ రావ్ గైక్వాడ్ అనే పేరుతో ఓ మరాఠి పోలీస్ ఆఫీసర్ పాత్ర పోషిస్తున్నాడట. ముంబై నేప‌థ్యంలో సాగే ఈ చిత్రంలో రజనీకాంత్ మాఫియా డాన్‌గా క‌నిపించ‌నున్నాడు. అయితే అభిమానుల‌లో మ‌రింత ఆనందాన్ని పెంచేందుకు మూవీ టీజ‌ర్‌ని మార్చి 1న విడుద‌ల చేస్తున్న‌ట్టు నిర్మాత‌లు ప్రకటించారు. ఈ టీజ‌ర్ ఫ్యాన్స్ అంచ‌నాలు మించేలా ఉంటుంద‌ని తెలుస్తుంది.