నా భర్త మోసగాడు.. అందుకే ఆత్మహత్య చేసుకున్నాడు.. తమిళ టీవీ నటి నందిత ఆరోపణ
తన భర్త కార్తికేయన్ పలువురి వద్ద రూ.80 లక్షల మేరకు తీసుకుని వారిని మోసం చేశాడనీ, అందువల్లే ఆత్మహత్య చేసుకున్నట్టు తెలుస్తోందని తమిళ నటి నదింత ఆరోపించింది. చెన్నై, టీ నగర్‌కు చెందిన కార్తికేయన్ అనే వ్య
తన భర్త కార్తికేయన్ పలువురి వద్ద రూ.80 లక్షల మేరకు తీసుకుని వారిని మోసం చేశాడనీ, అందువల్లే ఆత్మహత్య చేసుకున్నట్టు తెలుస్తోందని తమిళ నటి నదింత ఆరోపించింది. చెన్నై, టీ నగర్‌కు చెందిన కార్తికేయన్ అనే వ్యక్తిని తమిళ టీవీ నటి నందిత ప్రేమించి పెళ్లి చేసుకుంది. ఎనిమిది నెలల క్రితం వివాహం జరుగగా, నాలుగు నెలలకో మనస్పర్థలు తలెత్తాయి. దీంతో నందిత తన పుట్టింట్లో నివశిస్తోంది.
ఈ నేపథ్యంలో.. కార్తికేయన్ ఇటీవల ఆత్మహత్య చేసుకున్నాడు. దీనిపై నందిత స్పందిస్తూ... ప్రభుత్వ ఉద్యోగాలు ఇప్పిస్తానని పలువురి వద్ద రూ.80 లక్షల మేరకు తన భర్త వసూలు చేశాడు. దీంతో పాటు.. ఆర్థిక కష్టాలు చుట్టుముట్టడంతో ఆయన తీవ్ర ఒత్తిడికిలోనై ఆత్మహత్య చేసుకున్నట్టు తెలుస్తోందన్నారు.
అంతేకాకుండా, తన భర్తకు మరో యువతితో కూడా వివాహేతర సంబంధం ఉందని, ఇదే విషయంపై ఆ యువతి పెట్టిన కేసులో కూడా తన భర్తను కార్తికేయన్‌ను కూడా అరెస్టు చేశారని తెలిపారు. అలాగే, తనను కేవలం డబ్బు కోసమే ప్రేమించి పెళ్లి చేసుకున్నాడనీ, తనపై ఆయనకు ఏమాత్రం ఇష్టం లేదని వాపోయింది.