హీరోయిన్ తాప్సీకి రెండు కాళ్లు విరిగినట్టుగా ఉన్నాయి. ఎడమ చేతికి కూడా బాగా గాయాలయ్యాయి. దీంతో రెండు కాళ్లకు పిండి కట్టు కట్టిన ఫోటోలు ఇపుడు సోషల్ మీడియాలో వైరల్ అవుతున్నాయి.
తాజాగా వెల్లడైన ఈ వివరాలను పరిశీలిస్తే, తాప్సీ తన ట్విట్టర్ ఖాతాలో కొన్ని ఫోటోలను పోస్ట్ చేసింది. ఇవి వైరల్ అవుతున్నాయి. ఆమె చేతికి తీవ్ర గాయమైనట్టు, రెండు కాళ్లకూ పిండి కట్టు కట్టుకున్నట్టుగా ఈ ఫొటోలు కనిపిస్తున్నాయి. ఆమె ఎడమ చేయ్యంతా ఎర్రగా కందిపోయి ఉంది. వీటిని చూసిన ఆమె ఫ్యాన్స్ ఆందోళనకుగురై... ఏం జరిగిందంటూ ప్రశ్నలు కురిపిస్తున్నారు.
ప్రస్తుతం తాప్సీ గేమ్ ఓవర్ అనే చిత్రంలో నటిస్తోంది. ఈ సినిమా ప్రమోషన్ కార్యక్రమాల్లో ఆమె బిజీగా గడుపుతోంది. అందులో భాగంగానే ఈ ఫోటోలను విడుదల చేసిందా? లేక నిజంగానే ప్రమాదం జరిగి గాయపడిందా? అన్న విషయమై స్పష్టత లేదు.
ఇక ఈ ఫొటోకు క్యాప్షన్‌గా 'మంచు కొండల్లో షిఫాన్‌ చీరలు కట్టుకుని 25 రోజుల పాటు చిత్రీకరణ చేయడం చాలా కష్టం. అందుకే నేను వీటిని ఎంచుకున్నాను' అని తాప్సీ పేర్కొంది. ఈ ఫోటోలు చూసిన ఆమె అభిమానులు అసలేం జరిగిందో చెప్పాలని కోరుతున్నారు.