సొట్ట బుగ్గల చిన్నది తాప్సీ హీరోయిన్‌గా ఓ వెలుగు వెలిగింది. ప్రస్తుతం ఫీమేల్ ఓరియెంటెడ్, యాక్షన్ మూవీలతో బాలీవుడ్‌లో అదరగొడుతుంది ఇప్పుడు తాప్సీ. ఈ మధ్య కాలంలో తన ట్వీట్లతో చాలా బోల్డ్ గాను, డేరింగ్ గాను తన అభిప్రాయాలను నిక్కచ్చిగా చెబుతూ... యూత్ ఐకాన్‌గా మారింది. ఇప్పుడు తన లైఫ్ గురించి, తన లవ్ గురించి, ఫ్యామిలీ గురించి చాలా బోల్డ్‌గా ఓపెన్‌గా తన ప్లాన్స్ ఏంటో చెప్పేసింది.
చాలా రోజుల నుంచి ఈమె ప్రేమలో ఉందనే విషయం తెలుసు. కాకపోతే ఎవరు అనేది మాత్రం చెప్పలేదు తాప్సీ. తను ప్రేమలో ఉన్నాను.. కానీ ఇండస్ట్రీ మనిషి కాదని మాత్రం ఇదివరకే చెప్పుకొచ్చింది ఈమె. ఈయనెవరో ఇప్పుడు బయటపెట్టింది తాప్సీ. ఆ మధ్య తన ప్రియుడితో కలిసి మాల్దీవులకు కూడా వెళ్లింది. అక్కడ ఎంజాయ్ చేసింది.
ఇన్నాళ్ళకు తన ప్రియుడి గురించి చెప్పింది తాప్సీ. తన రిలేషన్‌షిప్ స్టేటస్ గురించి పబ్లిక్‌గా మాట్లాడటానికి తనకేం మొహమాటం లేదని చెప్తుంది ఈ ముద్దుగుమ్మ. తన వ్యక్తిగత, వృత్తిపరమైన జీవితాలు రెండూ పూర్తిగా వేర్వేరుగా ఉంటాయని చెప్పింది.
అలాగే ఉంచాలనుకుంటానని.. తనకు సంబంధించిన వాళ్ల పుట్టినరోజుల్లో పాల్గొన్నపుడు ఏదో ఒక స్టిల్‌ను పంచుకుంటానని చెప్పుకొచ్చింది. తన పర్సనల్ లైఫ్‌లో భాగమైన ప్రియుడు మథియాస్ విషయంలో అదే చేశానని చెప్పుకొచ్చింది తాప్సీ.
ప్రేమలో ఉన్నాను కానీ పెళ్లి గురించి ఆలోచించడం లేదని చెప్పుకొచ్చింది తాప్సీ . తనకు ఎప్పుడైతే పిల్లలు కనాలని అనిపిస్తుందో అప్పుడు పెళ్లి గురించి ఆలోచిస్తానంటూ ఆసక్తికరమైన వ్యాఖ్యలు చేసింది తాప్సీ. అందుకే కెరీర్ పరంగా చాలా బిజీగా ఉంది ఈ భామ.