కలర్స్ స్వాతికి పెళ్లైపోయింది.. పైలట్‌ ప్రేమికుడితో డుం.. డుం.. డుం..

యాంకర్‌గా, నటిగా, గాయకురాలిగా కలర్స్ స్వాతి పేరు కొట్టేసింది. డబ్బింగ్ కళాకారిణిగానూ మంచి మార్కులు కొట్టేసింది. మాటీవీలో ప్రసారమైన కలర్స్ అనే కార్యక్రమం ద్వారా వ్యాఖ్యాతగా మంచి గుర్తింపు తెచ్చుకుంది.

యాంకర్‌గా, నటిగా, గాయకురాలిగా కలర్స్ స్వాతి పేరు కొట్టేసింది. డబ్బింగ్ కళాకారిణిగానూ మంచి మార్కులు కొట్టేసింది. మాటీవీలో ప్రసారమైన కలర్స్ అనే కార్యక్రమం ద్వారా వ్యాఖ్యాతగా మంచి గుర్తింపు తెచ్చుకుంది. ఆపై తెలుగు, తమిళ, మలయాళ చిత్రాలలో నటించింది. 

నటిగా స్వాతి కృష్ణవంశీ దర్శకత్వంలో డేంజర్ సినిమాలో నటించింది. 2008లో ఆమె నటించిన అష్టా చెమ్మా చిత్రం సక్సెస్ కావడంతో ఆమెను వెతుక్కుంటూ హీరోయిన్ ఆఫర్లు వచ్చాయి. 2008లో ఈ సినిమాకు ఆమెకు నంది పురస్కారం లభించింది.

కలర్స్ స్వాతి అని పిలువబడే స్వాతిరెడ్డి శుక్రవారం తన ప్రియుడు వికాస్‌ను పెళ్లి చేసుకుంది. మలేషియన్ ఎయిర్ లైన్స్‌లో పైలట్‌గా పనిచేస్తున్న వికాస్‌ను పెళ్లాడింది. తమ ప్రేమను ఇంట్లో ఒప్పించి, పెద్దల ఆశీస్సులతో వివాహం చేసుకుంది. ఇరు కుటుంబసభ్యుల సమక్షంలో వీరి వివాహం నిరాడంబరంగా జరిగింది.

ఇక సెప్టెంబర్ 2న కొచ్చిలో కొత్త జంట రిసెప్షన్ ఇవ్వనుంది. ప్రస్తుతం కలర్స్ స్వాతి పెళ్లి ఫోటోలు వైరల్ అయ్యాయి. పెళ్లికి తర్వాత ఏం చేయబోతుందని ప్రస్తుతం చర్చ మొదలైంది. నటిగా తన కెరీర్‌ను కొనసాగిస్తుందా? లేక కుటుంబ బాధ్యతలకే పరిమితమవుతుందా? అనేది తెలియాలంటే వేచి చూడాలి.