నంద‌మూరి తార‌క రామారావు జీవిత క‌థ ఆధారంగా తెర‌కెక్కిన చిత్రం ఎన్టీఆర్. రెండు భాగాలుగా రూపొందిన ఈ చిత్రం ఫ‌స్ట్ పార్ట్ ఎన్టీఆర్ క‌థానాయ‌కుడు రిలీజ్ కావ‌డం.. డిజాస్టర్ అవ్వ‌డం తెలిసిందే. దీంతో సెకండ్ పార్ట్ ఎన్టీఆర్ మ‌హానాయ‌కుడు చిత్రం విడుద‌లపై రోజుకో వార్త బ‌య‌ట‌కు వ‌స్తుండ‌టంతో అభిమానుల్లో టెన్ష‌న్ ప‌ట్టుకుంది. ఇంత‌కీ విష‌యం ఏంటంటే... ఎన్టీఆర్ మ‌హానాయ‌కుడు చిత్రాన్ని ఫిబ్ర‌వ‌రి 7న రిలీజ్ చేయాలి అనుకున్నారు.
అయితే.. ఫ‌స్ట్ పార్ట్ డిజాస్టర్ అవ్వ‌డంతో సెకండ్ పార్ట్ విష‌యంలో చాలా కేర్ తీసుకుంటున్నార‌ట. దీంతో ముందు అనుకున్న‌ట్టుగా ఫిబ్ర‌వ‌రి 7న కాకుండా ఫిబ్ర‌వ‌రి 14న రిలీజ్ చేయాల‌నుకుంటున్నారు అనే టాక్ వినిపించింది. లేటెస్ట్ న్యూస్ ఏంటంటే.. మ‌రోసారి వాయిదా ప‌డింది. ఫిబ్ర‌వ‌రి 14న కూడా రిలీజ్ ఉండ‌దు అని ప్ర‌చారం జ‌రుగుతోంది. ఎందుకంటే ఎలాంటి ప్ర‌మోష‌న్స్ స్టార్ట్ చేయ‌లేదు. దీంతో ప్ర‌చారంలో ఉన్న‌ది నిజ‌మేనేమో అనిపిస్తుంది. మ‌రి... ప్ర‌చారంలో ఉన్న వార్త‌లపై చిత్ర‌యూనిట్ స్పందిస్తుందేమో చూడాలి.