మెగా ప‌వ‌ర్ స్టార్ రామ్ చరణ్, క్రియేటివ్ డైరెక్ట‌ర్ సుకుమార్ కాంబినేష‌న్లో రూపొందుతోన్న క్రేజీ మూవీ రంగస్థలం. ఈ సినిమా 1985 టైమ్‌కి సంబంధించిన‌ది అని చెప్పారు కానీ… కాన్సెప్ట్ ఏమిటి అనేది మాత్రం రివీల్ చేయ‌లేదు. అయితే… రంగస్థలం రాజ‌కీయ నేప‌థ్యంతో సాగే క‌థ అంటూ ప్ర‌చారం మొద‌లైంది. ఇది నిజ‌మో కాదా అనే సందేహం ఉండేది. ఇప్పుడు ఈ సందేహాల‌కు క్లారిటీ ఇస్తూ.. ఓ పోస్ట‌ర్ రిలీజ్ చేసారు డైరెక్ట‌ర్ సుక్కు.
రంగస్థలం సినిమా నుంచి ఆది పినిశెట్టి పోస్ట‌ర్ అది. ఈ ఒక్క ఫొటో చాలా విషయాల్ని చెప్పేసింది. మరీ ముఖ్యంగా రెండు విషయాలపై క్లారిటీ ఇచ్చింది. వీటిలో ఒకటి రంగస్థలం అనేది ఓ గ్రామం అనే విషయంపై క్లారిటీ వచ్చేసింది. మ‌రొక‌టి పొలిటికల్ టచ్ ఉంటుందనే విషయంపై కూడా తాజా పోస్టర్‌తో క్లారిటీ వచ్చేసింది.
ఆది కుమార్ బాబు పాత్రలో, లాంతరు గుర్తుపై ప్రెసిడెంట్ అభ్యర్థిగా పోటీ చేస్తున్న స్టిల్ అది. దీంతో ఈ సినిమాకు సంబంధించిన 3 కీలకమైన క్యారెక్టర్లను పరిచయం చేసినట్టయింది. రామలక్ష్మిగా సమంత, చిట్టిబాబుగా చరణ్, కుమార్ బాబుగా ఆది ఈ సినిమాలో కనిపించబోతున్నారు. ఈ స్టిల్ సినిమాపై మరింత హైప్ క్రియేట్ చేసింది. మ‌రి... రంగస్థలం ఎంత‌టి సంచ‌ల‌నం సృష్టిస్తుందో చూడాలి.