నాని - సుధీర్ బాబు కాంబినేషన్లో రూపొందిన మూవీ వి. ఇంద్రగంటి మోహనకృష్ణ దర్శకత్వంలో వి సినిమాని దిల్ రాజు నిర్మించారు. అయితే... నాని - సుధీర్ బాబు కలిసి నటిస్తున్నారు అని తెలిసినప్పటి నుంచి ఇద్దరిలో ఎవరు క్యారెక్టర్ హైలెట్‌గా ఉంటుంది..? ఎవరు ప్రేక్షకులను విశేషంగా ఆకట్టుకుంటారు..? అనేది ఆసక్తిగా మారింది.
ఈ నెల 5న వి సినిమా ఓటీటీలో రిలీజైంది. ఓటీటీ ఫ్లాట్‌ఫామ్లో రిలీజైన ఫస్ట్ బిగ్ మూవీ కావడంతో వి పై మరింత క్యూరియాసిటీ ఏర్పడింది. ఇక వి మూవీ విషయానికి వస్తే... సినిమా బిగినింగ్ లోనే సుధీర్ బాబు సిక్స్ ఫ్యాక్ బాడీతో.. స్టైలీష్ యాక్షన్‌తో అదరగొట్టేసాడు. యాక్షన్ ఎపిసోడ్స్‌లో సుధీర్ బాబు కష్టం కనిపిస్తుంది. అలాగే ఈ సినిమాలో సుధీర్ బాబు ఎంత ఇష్టంతో నటించాడో తెర పైకి కళ్లకు కట్టినట్టు కనిపించింది.
హీరోయిన్ నివేదా థామస్‌తో రొమాంటిక్ సీన్స్ లోను, యాక్షన్ సీన్స్ లోను సుధీర్ బాబు నటన ప్రత్యేకర్షణగా నిలిచింది. సిన్సియర్ పోలీసాఫీసర్‌గా పర్‌ఫెక్ట్ అనేలా నటించాడు. ఇక నాని ఇందులో విలన్‌గా నటించాడు. వీరిద్దరిలో సుధీర్ బాబు ఎక్కువ మార్కులు కొట్టేసాడు అనడంలో ఎలాంటి సందేహం లేదు. సినిమా ఫలితం గురించి చెప్పాలంటే.. నాని - సుధీర్ బాబు కలిసి నటించిన వి ప్రేక్షకులకు కొత్త అనుభూతిని ఇచ్చింది.