సలార్ సెట్స్ నుండి ప్రభాస్ వీడియో, కొన్ని ఫోటోలు సోషల్ మీడియాలో లీక్ అయ్యాయి. ఒక చిత్రంలో ప్రభాస్ నటుడు, కమెడియన్ ప్రభాస్ శ్రీనుతో కనిపిస్తారు. ఇక వీడియోలో షూటింగ్ లొకేషన్ లో ప్రభాస్ నడుస్తూ కన్పించాడు. ఆ వీడియో ప్రభాస్ లుక్ చూసిన అభిమానులు హ్యాపీగా ఫీల్ అవుతున్నారు. ప్రస్తుతం మేకర్స్ ఓ మాస్ సాంగ్ ను షూట్ చిత్రీకరించనున్నట్లు తెలుస్తోంది.
ఈ పాటను చాలా గ్రాండ్‌గా చిత్రీకరించడానికి మేకర్స్ ప్లాన్ చేస్తున్నారని, అందుకోసం సన్నాహాలు మొదలు పెట్టారని ఇండస్ట్రీ వర్గాలు చెబుతున్నాయి. 'సలార్' కన్నడ, తెలుగు భాషలలో ఒకేసారి చిత్రీకరించబడుతోంది.
ప్రశాంత్ నీల్ దర్శకత్వం వహిస్తున్న ఈ చిత్రం హిందీ, తమిళం, మలయాళంలో కూడా డబ్ చేయబడుతుంది. ఈ చిత్రంతో కన్నడ చిత్ర పరిశ్రమలో శృతి హాసన్ అరంగేట్రం చేస్తుంది. దీనిని హోంబలే ఫిల్మ్స్ బ్యానర్ పై విజయ్ కిరగండూర్ నిర్మిస్తున్నారు. జనవరి 14, 2022న ఈ మూవీ భారీ ఎత్తున థియేటర్లలోకి రానుంది.