శ్రీదేవి మృతి పట్ల కమల్ హాసన్ ఏమన్నారు? ఆ లాలి పాట?

శ్రీదేవి మృతిపట్ల తమిళ సూపర్ స్టార్లు రజనీకాంత్, కమల్ హాసన్ ప్రగాఢ సంతాపం వ్యక్తం చేశారు. క‌మల్ హాస‌న్‌, శ్రీ‌దేవి త‌మిళ తెర‌పై సెన్సేష‌న‌ల్ కాంబినేష‌న్‌‌గా గుర్తింపు సంపాదించారు. ఎన్నో హిట్ చిత్రాల్ల

శ్రీదేవి మృతిపట్ల తమిళ సూపర్ స్టార్లు రజనీకాంత్, కమల్ హాసన్ ప్రగాఢ సంతాపం వ్యక్తం చేశారు. క‌మల్ హాస‌న్‌, శ్రీ‌దేవి త‌మిళ తెర‌పై సెన్సేష‌న‌ల్ కాంబినేష‌న్‌‌గా గుర్తింపు సంపాదించారు. ఎన్నో హిట్ చిత్రాల్లో వీరి కెమిస్ట్రీ ప్ర‌ధాన ఆక‌ర్ష‌ణ‌గా నిలిచింది. త‌న‌కు హిట్ పెయిర్‌గా నిలిచిన శ్రీ‌దేవి అకాల మృతిపై క‌మ‌ల్ హాసన్ షాక్ అయ్యారు. 

శ్రీదేవి అందం, అభినయాన్ని కొనియాడారు. సినీ ఇండస్ట్రీలో ఆమెతో తన జర్నీ కొన్ని సంవత్సరాలు సాగిందని.. ఆమె బాలీవుడ్‌కు వెళ్ళడంతో.. వేర్వేరు దారుల్లో తమ ప్రయాణం మారిపోయిందని.. కానీ లెజెండ్ కళాకారిణిని కోల్పోయామని కమల్ హాసన్ ఆవేదనను వ్యక్తం చేశారు. 

శ్రీ‌దేవి యువ‌తిగా ఉన్న ద‌శ నుంచి మ‌హిళ‌గా మారిన దశ వరకు ఆమె తనకు తెలుసునని కమల్ చెప్పారు. ఆమె త‌న‌కు ద‌క్కిన స్టార్ డ‌మ్‌కు అన్ని విధాలా అర్హురాలు. ఇప్పుడైతే స‌ద్మా (వ‌సంత కోకిల‌)లోని లాలి పాట వెంటాడుతోంది. మ‌న‌మంతా త‌న‌ని మిస్ అయ్యామని ట్విట్టర్‌లో చెప్పారు. మీడియా ముందు ఆమె గొప్పదనాన్ని కొనియాడుతూ ఒకింత భావోద్వేగానికి గురయ్యారు. సూపర్ స్టార్ రజనీకాంత్ కూడా శ్రీదేవి మరణం పట్ల ఆవేదన వ్యక్తం చేశారు.