బెస్ట్ ఫ్రెండ్ విషయంలో లింగ వివక్ష చూసేది లేదని బాలీవుడ్ సుందరి సోనాక్షి సిన్హా ట్విట్టర్ ద్వారా అభిమానులకు షాకిచ్చింది. ట్విట్టర్లో కాసేపు అభిమానులతో చాట్ చేసిన ఈ ముద్దుగుమ్మ తన ఇష్టాయిష్టాలను షేర్ చేసుకుంది.
ఈ సందర్భంగా మీ బెస్ట్ ఫ్రెండ్ అబ్బాయా... అమ్మాయా అని ఓ ఫ్యాన్ అడిగిన ప్రశ్నకు లింగ వివక్షను నమ్మనని దిమ్మదిరిగే సమాధానం ఇచ్చింది. తమ భావాలకు విలువ నిచ్చే వారితో స్నేహం చేస్తానే తప్ప.. అలాంటి వారిలో లింగ వివక్షకు చోటు లేదని తెలిపింది.
అంతేకాకుండా జూన్ 2న తన 29వ పుట్టినరోజును జరుపుకుంటున్న సందర్భంగా ఓ గిఫ్ట్ ఇస్తున్నట్లు సోనాక్షి సిన్హా ట్వీట్ చేసింది. అయితే ఆ సర్‌ప్రైజ్ గిఫ్టేంటో తెలియాలంటే బర్త్ డే వరకు ఆగాల్సింది. ఇప్పటికే దబాంగ్, రౌడీ రాథోడ్ వంటి సినిమాల్లో నటించిన సోనాక్షి సిన్హా.. ప్రస్తుతం అకిరా, ఫోర్స్-2 సినిమాల్లో నటిస్తోంది.