ఆ తెలుగు హీరోకు తెలుగు భాష రాదు.. కానీ ఎత్తుపై ఎగతాళి చేసేవారు : శ్వేతాబసు ప్రసాద్

ఒకపుడు కుర్రకారుకు నిద్రలేని రాత్రులను మిగిల్చిన హీరోయిన్ శ్వేతాబసు ప్రసాద్ ఒకరు. ఆ మధ్య ఓ కేసులో చిక్కుకుని సినీ  కెరీర్‌‍ను నాశనం చేసుకున్నారు. ఫలితంగా ఇండస్ట్రీకి దూరమయ్యారు. ఈ క్రమంలో తాజాగా ఆమె ఓ ఇంటర్వ్యూ ఇచ్చారు. ఇందులో ఓ సినిమా లొకేషన్‌లో తనకు ఎదురైన పరిస్థితిని ఆమె వివరించారు. 

కెరీర్ విషయంలో నేను సంతృప్తికానే ఉన్నాను. నాకు నచ్చిన సినిమాల్లో నటిస్తున్నాను. ప్రస్తుతం టెలివిజన్ ఇండస్ట్రీలో రాణిస్తున్నారు. కేరీర్ పరంగా ఇబ్బందిపడిన సందర్భాలు కొన్ని ఉన్నాయి. ముఖ్యంగా, ఒక తెలుగు చిత్ర సెట్‌లో చాలా అసౌకర్యానికి గురయ్యాను. 

ఆ చిత్ర హీరోతో పోల్చితే నేను ఎత్తు తక్కువ. హీరో 6 అడుగులు వుంటే నేను 5 అడుగులు ఉన్నాను. పైకా, హీరోతో వచ్చన సమస్య మరో స్థాయిలో ఉండేది. అతను ప్రతి సన్నివేశాన్ని మార్చేస్తుండేవాడు. గందరగోళానికి గురిచేసేవాడు. రీటేక్స్ ఎక్కువగా తీసుకునేవాడు. 

అన్నిటికంటే ముఖ్యంగా, తెలుగు హీరో అయివుండి తెలుగులో డైలాగ్స్ చెప్పలేకపోయేవాడు. కారణం తెలుగు భాషపై పట్టులేకపోవడమే. నాకు కూడా తెలుగు పెద్దగా రాదు. కానీ నేను మేనేజ్ చేసేదాన్ని. ఏదో రకంగా డైలాగ్స్ నేర్చుకుని వచ్చేదాన్ని. 

కానీ, నన్ను మాత్రం నా కంట్రోల్‌లో లేని నా ఎత్తు గురించి కామెంట్ చేసేవాడు. ఎత్తు అనేది వారసత్వంగా వస్తుంది కదా.. దానికి నేనేం చేయను. నాకు తెలిసి నేను అంత బాధపడిన సెట్ ఏదైనా ఉందంటే అది మాత్రమే అని ఆమె వాపోయారు.