కుర్ర హీరోయిన్ల దెబ్బకు శ్రియ ఔట్.. కెరీర్ అంతేనా?

2001లో "ఇష్టం" సినిమాతో టాలీవుడ్‌కి పరిచయమై దశాబ్దం కాలం పాటు తిరుగులేని హీరోయిన్‌ అని పేరు తెచ్చుకున్న శ్రియ వెండితెరకు దూరం కాబోతోందనే గుసగుసలు ఊపందుకుంటున్నాయి. "జీవితంలో మార్పు అనేది సహజం. వాటికి తగ్గట్లే శ్రియ కెరీర్‌ గ్రాఫ్‌లోనూ మార్పులు చోటుచేసుకున్నాయి. 

ఒకప్పుడు కుర్ర హీరోలందరితోనూ ఆడిపాడిన శ్రియ క్రమంగా సీనియర్లకు జోడీగా స్థిరపడిపోయింది. ఇప్పుడు ఆ స్థానానికి కూడా కుర్ర హీరోయిన్లు గండికొట్టేస్తూ అక్కడ కూడా శ్రియకి పోటీ పడుతున్నారు. మొన్నటికి మొన్న 'ఎఫ్‌-2'లో వెంకటేష్ జోడీగా శ్రియను అనుకున్నారట. చివరి నిమిషంలో తమన్నా వచ్చి చేరడంతో శ్రియ ఔట్‌ అయింది. 

ఇప్పుడు కూడా మరో సినిమాలో శ్రియాకి బదులు పాయల్‌ రాజ్‌పుత్‌ వచ్చింది. దీంతో కుర్ర హీరోయిన్ల దెబ్బకి శ్రియ ఔట్‌ అయిపోయిందనే అందరూ అంటున్నారు. ఇదే పరిస్థితి కొనసాగితే మరో ఒకటి రెండు సంవత్సరాలలో వెండితెర మీద శ్రియ పేరు కనపడకపోవచ్చునని కూడా కొందరు జోస్యం చెప్పేస్తున్నారు! ఏమో మరి... ఈలోగా ఏం మార్పులు జరగనున్నాయో వేచి చూద్దాం...