శ్రద్ధాకపూర్‌ను కలిసిన దావూద్ సోదరి ఫ్యామిలీ.. సెట్స్‌లో షాక్.. ముక్కుపుడక, లిప్‌స్టిక్..?

బాలీవుడ్ నటీమణి శ్రద్ధాకపూర్‌ను మాఫియా డాన్ దావూద్ ఇబ్రహీం సోదరి కుటుంబీకులు కలిశారట. దీంతో సినీ యూనిట్ ఒక్కసారిగా షాక్ అయ్యింది. ఆపై సర్దుకున్నారట. ఇంతకీ అసలు విషయం ఏమింటంటే? అండర్ వరల్డ్ మాఫియా డాన్

బాలీవుడ్ నటీమణి శ్రద్ధాకపూర్‌ను మాఫియా డాన్ దావూద్ ఇబ్రహీం సోదరి కుటుంబీకులు కలిశారట. దీంతో సినీ యూనిట్ ఒక్కసారిగా షాక్ అయ్యింది. ఆపై సర్దుకున్నారట. ఇంతకీ అసలు విషయం ఏమింటంటే? అండర్ వరల్డ్ మాఫియా డాన్ దావూద్ ఇబ్రహీం సోదరి హసీనా పార్కర్ బయోపిక్ తెరకెక్కుతోంది. హసీనా పేరుతో తెరకెక్కే ఈ సినిమాలో టైటిల్ రోల్‌ను శ్రద్ధాకపూర్ పోషిస్తోంది. 

ఈ సినిమా షూటింగ్ శరవేగంగా జరుగోంది. ఈ నేపథ్యంలో ముంబయిలోని మెహబూబ్ స్టూడియోస్‌లో జరుగుతున్న ఈ సినిమా షూటింగ్‌కు రెండు రోజుల క్రితం శ్రద్ధాకపూర్‌ను దావూద్ కుటుంబ సభ్యులు కలిసినట్లు సమాచారం. దావూద్ సోదరి హసీనా పార్కర్ ముగ్గురు పిల్లలు అలీషా, ఉమరియా, ఖుషియాన్‌తో పాటు ఆమె సోదరుడు సమీర్ అంతులే సెట్స్ వద్దకు వచ్చారు. 

దావూద్ సభ్యులు వచ్చేసరికి శ్రద్ధాతో పాటు యూనిట్ సభ్యులంతా జడుసుకున్నారట. ఆపై అంతా మామూలైపోయిందని.. షూటింగ్‌ను చూసిన హసీనా ఫ్యామిలీ హ్యాపీగా ఫీలైందని తెలిసింది. ఈ సందర్భంగా హసీనా తన నిజజీవితంలో ఉపయోగించిన రీడింగ్ గ్లాసెస్, ముక్కుపుడక, ఇష్టమైన లిప్ స్టిక్‌ను శ్రద్ధాకపూర్‌కు ఆమె కుటుంబ సభ్యులు బహూకరించినట్లు తెలుస్తోంది.