సీనియర్ నటి షకీలా కన్నుమూసినట్లు పుకార్లు వచ్చాయి. అయితే అవన్నీ కేవలం రూమర్స్ మాత్రమే. ఈ రోజు ఉదయం షకీలా తన మరణం గురించి వచ్చిన వార్తలను కొట్టి పారేస్తూ ఓ వీడియోను షేర్ చేసింది. అంతేకాకుండా ఈ పుకారును సృష్టించిన వ్యక్తికి కూడా ఆమె కృతజ్ఞతలు తెలిపింది. "నేను ఇక లేనని వార్తలు వచ్చినట్టు నాకు తెలిసింది. నిజానికి అలాంటిదేమీ లేదు నా ముఖంలో పెద్ద చిరునవ్వుతో నేను నిజంగా చాలా సంతోషంగా ఆరోగ్యంగా ఉన్నాను.
నా కోసం శ్రద్ధ తీసుకున్న వ్యక్తులకు ధన్యవాదాలు. నాకు చాలా ఆనందంగా ఉంది. ఎవరో నా గురించి చెడు వార్తలను వైరల్ చేశారు. దీంతో నాకు చాలా మెసేజెస్, కాల్స్ వచ్చాయి. ఫేక్ న్యూస్ ను వ్యాప్తి చేసిన వారికి ధన్యవాదాలు ఎందుకంటే ప్రేక్షకులు, ప్రజలు అందరు నా గురించి ఆలోచించేలా చేసినందుకు..." అంటూ చెప్పుకొచ్చారు షకీలా.
తెలుగు, తమిళ చిత్రాలలో సాఫ్ట్ పోర్న్ సినిమాల్లో నటించి అప్పట్లో సంచలనం సృష్టించిన షకీలా. ఆమె సినిమాలు అనేక భారతీయ భాషలలో డబ్ చేయబడ్డాయి. తర్వాత ఆమె సినిమాల్లో క్యారెక్టర్ రోల్స్ చేస్తూ వచ్చింది. ప్రస్తుతం సినిమాల నుండి విరామం తీసుకుంది. లింగమార్పిడి కుమార్తె మిలాను దత్తత తీసుకుంది.