టాలీవుడ్ అగ్ర హీరోయిన్ సమంత పెళ్లికి తర్వాత కూడా హీరోయిన్‌గా, లేడీ ఓరియెంటెడ్ రోల్స్‌తో అదరగొడుతోంది. తాజాగా సమంత ఓ బేబీ సినిమాలో నటిస్తోంది. ఈ సినిమా షూటింగ్ శరవేగంగా జరుగుతోంది. ‘మిస్‌ గ్రానీ’ అనే కొరియన్‌ సినిమాకు ఇది రీమేక్‌గా రాబోతోంది.
ఇందులో సీనియర్‌ నటి లక్ష్మి కీలక పాత్ర పోషించారు. ఇటీవల విడుదలైన సినిమా టీజర్‌కు, తొలి లిరికల్‌ పాటకు విశేషమైన స్పందన లభించింది. జులై 5న సినిమాను ప్రేక్షకుల ముందుకు తీసుకురానున్నారు.
తాజాగా సమంత ప్రధాన పాత్రలో నటిస్తున్న "ఓ బేబీ" చిత్రానికి నందినీ రెడ్డి దర్శకత్వం వహిస్తున్నారు. ఈ సినిమాకు సంబంధించిన ఆసక్తికరమైన పోస్టర్‌ను సమంత ట్విటర్‌ వేదికగా పంచుకున్నారు.
‘ఎమోషనల్‌ రోలర్‌కోస్టర్‌ రైడ్‌కు సిద్ధం కండి’ అని క్యాప్షన్‌ ఇచ్చారు. పోస్టర్‌లో సమంత.. నా కుమారుడు, మనవడు, బెస్ట్‌ ఫ్రెండ్‌ అని రావు రమేశ్‌, తేజ, రాజేంద్రప్రసాద్‌లను చూపించడం ఆకట్టుకుంటోంది.
ఇకపోతే.. సురేష్ ప్రొడక్షన్స్, గురు ఫిలింస్, పీపుల్ మీడియా ఫ్యాక్టరీ, క్రాస్ పిక్చర్స్ పతాకాలపై రూపొందిన చిత్రం కోసం ఆరిస్టులు, సాంకేతిక బృందంలో మహిళలే ఎక్కువగా పని చేయడం విశేషం.