సమంత ప్రధాన పాత్రలో యాక్షన్ థ్రిల్లర్‌గా రూపొందుతున్న చిత్రం యశోద. హరి-హరీష్ దర్శకులుగా పరిచయం చేస్తూ నిర్మాత శివలెంక కృష్ణప్రసాద్ శ్రీదేవి మూవీస్ పతాకం పై ప్రొడక్షన్ నం.14గా నిర్మిస్తున్నారు.
'యశోద' పూర్తిగా సీట్ ఎడ్జ్ యాక్షన్ థ్రిల్లర్ గా ఉండబోతుంది. ఫ్యామిలీ మాన్ 2 తో నార్త్ ఆడియన్స్ ని విపరీతంగా ఆకట్టుకున్న సమంత క్రేజ్ ని ఈ చిత్రం లో తన పెర్ఫార్మన్స్ మరో ఎత్తుకి తీసుకెళ్తుంది.
ఇటీవల విడుదల చేసిన గ్లింప్స్ వీడియో కి మంచి స్పందన రావడంతో నిర్మాత మరియు దర్శకులు టీజర్ మీదుండే అంచనాలని దృష్టిలో ఉంచుకుని అద్భుతంగా కట్ చేసినట్టు సమాచారం.
తెలుగు, తమిళ, కన్నడ, మలయాళ, హిందీ భాషల్లో తెరకెక్కనున్న ఈ చిత్రం లో సమంత, వరలక్ష్మీ శరత్ కుమార్, ఉన్ని ముకుందన్, రావు రమేష్, మురళీ శర్మ, సంపత్ రాజ్, శత్రు, మధురిమ, కల్పికా గణేష్, దివ్య శ్రీపాద, ప్రియాంకా శర్మ తదితరులు నటిస్తున్నారు.