ఇటీవలే టాలీవుడ్ హీరో అక్కినేని నాగ చైతన్య, నటి శోభిత ధూళిపాళ్లలకు నిశ్చితార్థం జరిగింది. ఇది జరిగి వారం రోజులు కూడా పూర్తికాలేదు. అయితే, నాగ చైతన్య మాజీ భార్య, సినీ హీరోయిన్ సమంత నిశ్చితార్థం కూడా జరిగిపోయిందంటూ సోషల్ మీడియాలో ఓ వార్త చక్కర్లు కొడుతుంది. తాను నటిస్తున్న వెబ్ సిరీస్‌కు దర్శకత్వం వహించిన డైరెక్టర్ రాజ్ నిడిమోరుతో నిశ్చితార్థం చేసుకున్నట్టు సమాచారం. ఆ జాతీయ పోర్టల్లో వచ్చిన ఈ వార్త ఇపుడు వైరల్‌గా మారింది.
రాజ్ డీకే దర్శక ద్వయంలోని రాజ్ నిడుమోరుతో సమంత ప్రేమలో ఉన్నట్టు సమాచారం. గతంలో రాజు డికేతో కలిసి సమంతతో 'ది ఫ్యామిలీ మ్యాన్' అనే సిరీస్ చేసింది. ఈ సిరీస్‌లో సమంత నటించిన తీరు కాంట్రవర్సీలకు దారితీసింది. ఆ తర్వాతే నాగచైతన్య - సమంత విడాకులు తీసుకున్నారు. అయితే తాజాగా ఒక నేషనల్ పోర్టల్లో వచ్చిన కథనం ప్రకారం రాజ్ - సమంత చాలా కాలం నుంచి డేటింగ్ చేస్తున్నట్టు ప్రచారం సాగుతుంది.
రాజ్‌కి ఇప్పటికే వివాహం కూడా జరగగా, సమంతతో ప్రేమలో పడిన నేపథ్యంలో అతని భార్యకు విడాకులు ఇచ్చే యోచనలో రాజ్ ఉన్నట్లు సదరు వార్తా కథంలో పేర్కొంది. అయితే, ఇందులో ఎంత నిజముందో తెలియాల్సివుంది. విడాకులు తర్వాత సమంత పుట్టినరోజు వేడుకలను రాజ్ డీకే ఘనంగా నిర్వహించటం అప్పట్లో చర్చనీయాంశమైంది. ఇక సమంత రాజ్ డీకే దర్శకత్వంలోనే 'సిటాడెల్', 'హనీ బన్నీ' అని ఒక వెబ్ సిరీస్ చేసింది. అమెజాన్ ప్రైమ్‌లో అది త్వరలో స్ట్రీమింగ్ కానుంది.