రౌడీ హీరో విజయ్ దేవరకొండ ఖుషీ, జనగణమణ సినిమాలు సెట్స్‌మీద ఉన్నాయి. యాక్షన్ ఎంటర్ టైనెర్స్ మధ్యలో ఖుషీ అనే లవ్ స్టోరీతో రాబోతున్నాడు విజయ్. శివ నిర్వాణ దర్శకత్వంలో తెరకెక్కుతున్న ఈ చిత్రంలో విజయ్ సరసన సమంత నటిస్తోంది.
ఇక ఈ సినిమా టైటిల్‌పై పవన్ ఫ్యాన్స్ కొద్దిగా గుర్రుగా ఉన్న సంగతి తెలిసిందే. ఖుషీ అంటే పవన్ కెరీర్‌లో ఎంతటి విజయాన్ని అందుకున్నదో ప్రత్యేకంగా చెప్పాల్సిన అవసరం లేదు. ఇక ఈ సినిమా టైటిల్‌పై విజయ్ మొట్టమొదటిసారి ఓపెన్ అయ్యాడు.
"ఖుషీ టైటిల్‌ను తీసుకోవడంతోనే నా బాధ్యత మొదలయ్యింది. పవన్ కళ్యాణ్ ఫ్యాన్స్ గర్వపడేలా ఈ సినిమా ఉంటోంది. పవన్ ఫ్యాన్స్‌ను నిరాశపర్చను. ఆయన సినిమాలో ఉన్న మ్యాజిక్ ఎలా ఉంటుందో ఈ సినిమాలో కూడా అలాగే ఉంటుంది. ఖుషీ సినిమా ఆ జనరేషన్‌లో ఎంతటి సంచలనం సృష్టించిందో.. మా సినిమా ఈ జనరేషన్ లో కూడా అంతే మ్యాజిక్ సృష్టిస్తోంది" అంటూ చెప్పుకొచ్చాడు.