టాలీవుడ్ హీరో విజయ్ దేవరకొండకు తనకు ఎలాంటి సంబంధం లేదని, మేమిద్దరం కేవలం జస్ట్ ఫ్రెండ్స్‌ మాత్రమేనని చెప్పారు. విజయ్ దేవరకొండతో తాను ప్రేమలో పడిందని కొంతకాలంగా ఓ వార్త హల్‌ చల్‌ చేస్తోంది.
'డియర్‌ కామ్రేడ్‌'లో ఇద్దరూ కలిసి నటించారు. ఆ సమయంలో వాళ్ల మధ్య ప్రేమ పుట్టిందని ఓ టాక్‌ నడుస్తోంది. 'డియర్‌ కామ్రేడ్‌' తర్వాత కూడా చాలా సందర్భాల్లో విజయ్ - రష్మిక కలిసి కనిపించారు. దాంతో ఆ వార్తలకు బలం వచ్చినట్టైంది. రష్మికతో తనకున్నది స్నేహం మాత్రమే అని ఆ మధ్య... విజయ్ క్లారిటీ ఇచ్చాడు.
ఇప్పుడు రష్మిక వంతు వచ్చింది. 'మేమిద్దరం స్నేహితులం మాత్రమే. ఈ విషయం చాలాసార్లు చెప్పా. అయినా పదే పదే అదే ప్రశ్న అడుగుతున్నారు. నేను ప్రస్తుతం ఐదు చిత్రాల్లో నటిస్తున్నా. వాటి గురించి ఏం అడిగినా సమాధానం చెబుతా.
ఏం చెప్పలేని ప్రశ్నతో నన్ను విసిగించొద్దు. ప్రేమ - పెళ్లి అనేవి చాలా పెద్ద విషయాలు. నిజంగా ప్రేమలో పడితే ఆ విషయం తప్పకుండా చెబుతా' అంటూ ఈ గాసిప్పులకు పుల్‌స్టాప్‌ పెట్టాలని ఆమె కోరింది.
