నయనతారను పొగిడేసిన సమంత.. యూటర్న్ నుంచి ఫస్ట్‌లుక్ వచ్చేస్తోంది..
కోలీవుడ్, టాలీవుడ్‌లో అగ్ర హీరోయిన్ అయిన సమంత.. తాజాగా నయనతారను అభినందించింది. నయనతార తాజా చిత్రంగా తమిళంలో ''కోలమావు కోకిల'' సినిమా నిర్మితమైంది. లైకా ప్రొడక్షన్స్ వారు నిర్మించిన ఈ సినిమా నుంచి, ఈ న
కోలీవుడ్, టాలీవుడ్‌లో అగ్ర హీరోయిన్ అయిన సమంత.. తాజాగా నయనతారను అభినందించింది. నయనతార తాజా చిత్రంగా తమిళంలో ''కోలమావు కోకిల'' సినిమా నిర్మితమైంది. లైకా ప్రొడక్షన్స్ వారు నిర్మించిన ఈ సినిమా నుంచి, ఈ నెల 5వ తేదీన ఒక ట్రైలర్‌ను రిలీజ్ చేశారు. ఈ ట్రైలర్‌కు ఇప్పటికే 38లక్షల వ్యూస్‌ వచ్చాయి.
ఈ ట్రైలర్ గురించి సమంత స్పందిస్తూ.. ''కొంచెం ఆలస్యంగా స్పందిస్తున్నానని తెలుసు. ట్రైలర్ చాలా బాగుంది. నయనతార నటన అద్భుతం ఆమె కీర్తి కిరీటంలో ఓ డైమండ్ స్టోన్‌లా ఈ సినిమా నిలిచిపోతుందని తెలిపింది. ఇంకా సినీ యూనిట్‌కు సమంత శుభాకాంక్షలు తెలిపింది. ఇకపోతే.. తనతోటి హీరోయిన్‌ను సమంత ప్రశంసించడం ఆమె పెద్ద మనసుకు నిదర్శనమని నెటిజన్లు కొనియాడుతున్నారు.
ఇకపోతే.. సమంత ప్రధాన పాత్రగా ''యూటర్న్'' సినిమా రూపొందుతోంది. థ్రిల్లర్ నేపథ్యంలో కొనసాగే ఈ సినిమాలో ఆమె న్యూస్ రిపోర్టర్‌గా కనిపించనుంది. రీసెంట్గా ఈ సినిమా టాకీ పార్టును పూర్తిచేసుకుంది. త్వరలోనే పాటల చిత్రీకరణకు సన్నాహాలు చేస్తున్నారు.
పవన్ కుమార్ దర్శకత్వం వహిస్తోన్న ఈ సినిమాలో ఆది పినిశెట్టి .. భూమిక కీలకమైన పాత్రలను పోషించారు. శ్రీనివాస్ చిట్టూరి నిర్మిస్తోన్న ఈ సినిమా నుంచి సాధ్యమైనంత త్వరగా ఫస్టులుక్‌ను విడుదల చేయాలని సినీ యూనిట్ భావిస్తోంది.