సంజయ్ లీలా భన్సాలీ.. సల్మాన్ ఖాన్‌తో నా కల నెరవేరబోతోంది.. అలియా భట్

ఈ ఏడాది వరుస విజయాలతో, చేతి నిండా అవకాశాలతో దూసుకుపోతోంది బాలీవుడ్ భామ అలియాభట్. ఇప్పటికే మూడు భారీ బడ్జెట్ సినిమాల్లో హీరోయిన్‌గా నటిస్తున్న ఈమెకు తాజాగా మరో భారీ ఆఫర్ వచ్చి పడింది. సంజయ్‌లీలా భన్సాలీ దర్శకత్వం వహించే తదుపరి సినిమాలో హీరోయిన్‌గా అలియాకు అవకాశం వచ్చింది. 

ఈ సినిమాలో సల్మాన్ ఖాన్ సరసన అలియా నటించబోతోంది. ఈ విషయాన్ని ఆమె తన ట్విట్టర్ ఖాతా ద్వారా తెలియజేసింది. "నాకు తొమ్మిదేళ్ల వయస్సులో సంజయ్ లీలా భన్సాలీ ఆఫీస్‌కు వెళ్లాను. ఆయన సినిమాలో నాకు అవకాశం ఇస్తారో లేదో అన్న భయం ఆందోళనతో వెళ్లాను. అయితే అది గతం. అప్పటి కల ఇప్పుడు నెరవేరింది. 

సంజయ్ చెప్పినట్లే నేను చాలా పెద్ద కలలు కన్నాను. సంజయ్, సల్మాన్ కాంబినేషన్‌లో మ్యాజిక్ ఉంటుంది. ఈ అందమైన ప్రయాణంలో భాగమవ్వాలని ఆతృతగా ఎదురు చూస్తున్నాను" అని ట్వీట్ చేసింది. అయితే ఈ సినిమా 2020లో విడుదల కానుంది.